Monday, December 11, 2017

ကမ်းခြေက မျှောလိုက်တဲ့ ပုလင်းစာ


Bon Bon

ပင်လယ်အကြောင်း .... ကမ်းခြေအကြောင်းတွေ အများကြီးပြောကြရအောင်။

Daddy ပင်လယ်ကို သဘောကျတယ်။ ပင်လယ်က အားလုံးကို မျိုချပစ်လိုက်တာ။ ပြီးခဲ့တဲ့ နှစ်ပတ်လောက်က ရေနံတင်သင်္ဘောတွေ မလေးရှားမှာ တိုက်မိပြီး ရေနံတွေပင်လယ်ထဲဖိတ်ကျတယ်။ အဲဒီရေနံတွေဟာ ကမ်းခြေတွေကို ညစ်ညမ်းစေတယ်။ ကမ်းခြေရှင်းလင်းရေးအဖွဲ့တွေ လူအများကြီးသုံးပြီး တစ်ပတ်လောက်ရှင်းလင်းရတယ်။ ပူလာအူဘင် ကျွန်းက ငါးမွေးမြူရေးလုပ်ငန်းတွေ ဒေါ်လာသန်းချီထိခိုက်သွားတယ်။

ငါးတွေက ရေနံတွေအပေါ်မှာဝေ့နေလို့ အသက်တက်ရှူလို့မရပေမယ့် ရေထဲက အောက်ဆီဂျင်ကြောင့် သူတို့ မသေနုိုင်ဘူး။ သေသွားတဲ့ငါးတွေဟာ အစာတက်စားရင်း ရေနံတွေစားမိတဲ့အခါ သူတုို့ရဲ့သည်းခြေနဲ့ ရေနံနဲ့ထိရင် သူတို့သေကုန်တာ။ ငါးလုပ်ငန်းရှင်တွေဟာ ဒီတစ်ပတ်လုံး ငါးတွေကို အစားမကျွေးဘဲထားကြတယ်။ ကျွေးမိတဲ့ငါးခြံတွေကငါးတွေ အကုန်သေသွားတယ်။ အစာကြောင့်ရှင်သန်တယ်ဆိုပေမယ့် သိပ်ခက်ခဲတဲ့အချိန်တွေမှာ အစာငတ်နေတာ ရှင်သန်ဖို့ လိုအပ်ချက်လည်းဖြစ်နေတတ်တယ်နော်။

ကမ္ဘာကြီးမှာ လူတွေများလာတယ်။ ကမ္ဘာကြီးက အများကြီးပေးတယ်။ စားစရာလည်းပေး၊ ဝတ်စရာလည်းပေး၊ လုံခြုံစွာခိုလှုံနိုင်မယ့် အဆောက်အအုံတွေလည်းပေးတယ်။ လူတွေဟာ သိပ်လောဘကြီးတော့ပေးသလောက်နဲ့ မကျေနပ်တော့ဘူး။ သိပ်လှတဲ့ကမ်းခြေတွေဆီ .. ရေထုညစ်ညမ်းမှုတွေရောက်လာတယ်။ သဘာဝကို လူတွေလောက် သတ်ဖြတ်တတ်တာ လူတွေပဲရှိတယ်။

ပင်လယ်ထဲ မျောနေတဲ့ ရေနံတိုင်ကီတစ်လုံးလည်း Daddyတို့တွေ့ခဲ့တယ်။ ပင်လယ်ကမ်းခြေက လေရဲ့ရနံ့ဟာ ဓာတ်ဆီနံ့ရနေတယ်။ ဒါတွေက ခဏတဖြုတ်လောက် ဖြစ်သွားတဲ့ ရေထုညစ်ညမ်းမှုလေးတစ်ခုပဲ။ ကမ်းခြေသေးသေးလေးတစ်ခုမှာ တစ်ပတ်လောက်ရှင်းလင်းလိုက်ရင် ပြီးသွားနိုင်တဲ့ အသေးစား ရေထုညစ်ညမ်းမှုလေးတစ်ခုပဲ။

ဘဝမှာ လူနှစ်မျိုးဖြစ်နိုင်တယ်။ သဘာဝတရားကို ဂရုစိုက်တဲ့သူနဲ့ ဂရုမစိုက်တဲ့သူ။ တစ်နေ့နေ့ Bon Bon ကြီးလာရင် သဘာဝတရားကို ချစ်တတ်တဲ့သူဖြစ်အောင် Daddy ပျိုးထောင်ပေးနိုင်မယ်လို့ထင်တယ်။ သစ်ပင်ကြီးတွေ စင်ကာပူမှာ အများကြီးရှိတယ်။ အများဆုံးကတော့ ကုက္ကိုလ်နဲ့ Senegal Mahogany တွေပေါ့။ Mahognay အခေါက်က နီညိုရောင်ရှိတယ်။ မြန်မာပြည်မှာလည်း တစ်ချိန်က Daddy တို့ အိမ်ရှေ့မှာ နီညိုရောင် မဟော်ဂနီပင်ကြီးတွေရှိတယ်။ Senegal Mahogany ကတော့ အခေါက်ဖြူတယ်။ Mahogany နီညိုတွေကိုတော့ စန္ဒရားလုပ်တယ်။ ဂစ်တာလုပ်တယ်။ Chessboard လည်းလုပ်တယ်။ သူ့ရဲ့ နီညိုရောင်လေးက သိပ်လှတာကိုး။ Daddy တို့မြန်မာပြည်မှာတော့ လူတစ်ဖက်လောက်မကတဲ့ မဟော်ဂနီပင်ကြီးတွေကုို လမ်းချဲ့ဖို့ခုတ်လိုက်ပြီး စဉ့်နှီတုံးတို့၊ ထင်းတို့လုပ်လုိုက်ကြတယ်။ သားလေးရေ ... သဘာဝတရားကုို ချစ်ဖို့ဆိုတာ ဉာဏ်ပညာနဲ့ နှလုံးသား စင်ကြယ်ဖို့လိုတယ်နော်။

ကမ္ဘာကြီးမှာ သစ်ပင်တွေကို ချစ်တဲ့သူနဲ့ သစ်ပင်တွေကို ကိုယ်ကျိုးအတွက်လောက် သုံးချင်တဲ့သူတွေဆိုပြီးရှိသေးတယ်။ Daddy တို့ ငယ်ငယ်က မဟော်ဂနီသီးကွဲပြီး ထွက်လာတဲ့ အစေ့အဆံတွေ ပန်ကာလေးတွေလို ပျံဝဲကျလာတာလေးတွေ မော့ကြည့်ရင်း ပျော်နေခဲ့ကြတာ။ သိပ်ဆင်းရဲတဲ့သူတွေကတော့ ဒီအစေ့အဆံတွေကို ပလတ်စတစ်အိတ်လေးတွေနဲ့ထုတ်ပြီး ဆီးချိုကျဆေးဆိုပြီး ရောင်းကြတယ်။ ဗမာဆေးပညာနားမလည်တဲ့ Daddy အတွက်တော့ ဒါဟာ အထူးအဆန်းပဲ။ Bon Bon အပင်တွေကို ခွဲခြားသိတတ်တဲ့အရွယ်ရောက်ရင် ပျဉ်းမပင်နဲ့ မဟော်ဂနီပင်တွေရဲ့ အသီးထဲမှာ ပုန်းနေတဲ့ ပန်ကာလေးတွေကို သွားကြည့်ကြတာပေါ့။

ကမ်းခြေမှာရှိတဲ့ Senegal Mahogany ပင်တွေမှာ ငှက်တွေလာကြတယ်။ ဒါ သူတို့ရဲ့ အိမ်ပဲ။ ကြက်တူရွေးလေးတွေက သစ်ပင်ကြီးတွေကို သစ်ခေါင်းဖွဲ့ပြီးနေကြတယ်။ သူတို့လေးတွေနဲ့ Daddy တို့ဟာ ကမ္ဘာကြီးတစ်ခုထဲမှာ အတူယှဉ်တွဲနေထိုင်ကြရမှာ။ Daddy တို့က သစ်ပင်တစ်ပင်ခုတ်လိုက်ရင် ငှက်မိသားစုလေးတွေ အိမ်ပျောက်သွားမှာ။ သစ်ပင်ကြီးတွေက Daddy တို့ရှူနေတဲ့ လေတွေ သန့်နေဖို့လည်း သစ်ပင်တွေပဲလုပ်ပေးတာ။

Bon Bon က ပင်လယ်ကမ်းခြေမှာပျော်တယ်ထင်တယ်။ Daddy တို့ ကမ်းခြေကို အပတ်တိုင်း လမ်းသွားလျှောက်ကြတယ်။ မိနစ်သုံးဆယ်လောက် လမ်းလျှောက်ရုံရှည်တဲ့ ကမ်းခြေပိစိလေးပေါ့။ အသွားအပြန် ခြေလှမ်းခြောက်ထောင်စာလောက်ပဲ။ တစ်ခါတစ်ခါ လေယာဉ်တွေ မြို့ထဲဝင်လာတကိုမြင်ရတယ်။ တစ်ခါတစ်ခါ မြို့ထဲကလေယာဉ်တွေ ထွက်သွားတာကိုမြင်ရတယ်။

.... တစ်နေ့နေ့ Bon Bon မြန်မာစာဖတ်တတ်လာခဲ့ရင် .... ဒီစာလေးတွေကို ဖတ်ဖြစ်ကောင်းဖတ်ဖြစ်လိမ့်မယ်ထင်တယ်။ ဘာကိုမှ အထွေအထူး မမျှော်လင့်တတ်တဲ့ Daddy အတွက် သားလေး မြန်မာလိုရေးတတ်ဖတ်တတ်ရလိမ့်မယ်လို့လည်း မမျှော်လင့်မိပြန်ဘူး။ Daddy တာဝန်ကတော့ ကမ်းခြေက မျှောလိုက်တဲ့စာဆိုတဲ့စာအုပ်တစ်အုပ် ... သားလေး တစ်နှစ်ပြည့်တဲ့အခါ ထုတ်ဖို့ပဲ။ တစ်အုပ်ထဲလည်းဖြစ်ကောင်းဖြစ်မယ်။ Daddy တစ်ခြားပညာရပ်တွေ အမွေမပေးနိုင်ဘူး။ သဘာဝကို ချစ်တဲ့စိတ်လေးကိုတော့ အမွေပေးချင်တယ်။ ကြမ်းတမ်းတဲ့ လောကမှာ သိမ်မွေ့တဲ့ နှလုံးသားနဲ့ ရှင်သန်တဲ့ လူကလေးတစ်ယောက်ဖြစ်ရင် စိတ်ချမ်းသာရမှာပဲလို့ Daddy ထင်တယ်လေ .....။

With Love,
Daddy







Peace B with U.

Sunday, January 1, 2017

ဆောင်းရာသီထဲက ကျွန်တော်တို့ထွက်လို့မရတော့ဘူး။



ဆောင်းရာသီထဲက ကျွန်တော်တို့ထွက်လို့မရတော့ဘူး။

ထင်တာထက်မြန်ဆန်တဲ့ အပြောင်းအလဲတွေအတွက် ... ကျွန်တော်တို့ အံ့သြဖို့အတွက် ရှင်သန်ကြတယ်။ လောကဓံနဲ့များများမရင်ဆိုင်ဖူးတော့ ကျနော်တို့ အတွေးအခေါ်တွေဟာ သမာသမတ်သိပ်မကျချင်ဘူး။ အချစ်ဆုံးခွေးလေးဆုံးသွားတုန်းကတော့ ဘဝဟာ နေချင်စရာမကောင်းတော့ဘူးလို့ နားလည်ခဲ့ဖူးတယ်။ ဒီခွေးလေးကို Chocolate လို့ခေါ်တယ်။ သူ့အရောင်ကလည်း chocolate ရောင်။ အပျင်းထူထူ၊ ဝဝဖိုင့်ဖိုင့် ခွေးကလေးတစ်ကောင်။ အစာစားရင်တောင် ပျင်းလို့ အိပ်ရင်းစားတဲ့ခွေးကလေးတစ်ကောင်လည်းဖြစ်သေးတယ်။ လှေကားတက်ရင်မောတတ်တဲ့ခွေးကလေးဟာလည်းသူပဲ။ သူ့သက်တမ်း ခုနစ်နှစ်မှာ လေးနှစ်လောက် အိပ်သွားခဲ့တယ်။

ဝက်လက်ကိုချက်တာမခက်ဘူး။ နှပ်ထားတတ်ဖို့ပဲလိုတယ်လို့ ဆရာသမားကပြောတယ်။ ခွေးကလေးသေသွားကတည်းက စိတ်ချမ်းသာမှုအတွက် အချက်အပြုတ်လိုင်းကိုလိုက်ခဲ့တယ်။ သကြားညိုနဲ့နှပ်ထားတဲ့ ဝက်လက်အိုးကို ပလတ်စတစ်ပျော့နဲ့ ပြန်အုပ်ထားကွ။ အဲဒါကျောင်းမှာသင်ခဲ့တဲ့ ဓာတုဗေဒအခြေခံလေလို့ မလွန်ခင်ကပြောသွားလေရဲ့။ တရုတ်ရိုးရာအတိုင်းဆိုရင်တော့ ကြက်ဥပြုတ်ထားတာလေးထည့်မှသင့်မယ်လို့ဆိုတယ်။ သုံးရမယ့်ဟင်းခတ်တွေစုံမှချက်ဖို့လည်းတတွတ်တွတ်မှာတယ်။ ဂျင်းနုနဲ့ ဂျင်းရင့် အတူသုံးဖို့ တဖွဖွတိုက်တွန်းတယ်။ ဂျင်းနုရဲ့ အနံ့လေးကွာ၊ အဲဒါလေးကအသက်ပဲလို့ဆိုတယ်။ အရင်ကတော့လိုက်နာပါတယ်။ အခုတော့ ဂျင်းနုလည်းထွက်ဝယ်ရမှာပျင်းပြီဆရာ။ သကြားညိုနဲ့နှပ်ထားတဲ့ ဝက်လက်ကို ဆီပူပူထဲမှာ kikkoman နဲ့ ကြက်သွန်ဖြူတွေနဲ့ရောလှိမ့်လိုက်မှပဲ အညှီနံ့လေးပျောက်ပြီး မွှေးသွားမယ်လို့ဆိုတယ်။ တစ်သက်လုံးမှာ ကိုယ်ချစ်တဲ့သူတွေအတွက်ပဲ ဟင်းချက်ဖို့လည်း အတန်တန်မှာသွားလေရဲ့။

တစ်ရပ်တစ်ကျေးကို လမ်းလျှောက်ထွက်သွားတဲ့ခွေးကလေး ...၊ သူပြန်မလာတော့ဘူးဆိုတာ သိပေမယ့် ကျွန်တော်လည်း ဟင်းချက်တဲ့နေ့တိုင်း ခွေးကလေးကို သတိရတယ်။ သူသာဆို အရိုးလေးတွေစားရရင်တောင်ပျော်တာ။ ညအထိ တစ်ခုခုစားနေရမှ ပျော်တာ။ ခွေးကလေးတစ်ကောင်ရဲ့ဘဝဟာ သူချစ်တဲ့သူ အနည်းငယ်အတွက် ဘဝကိုပေးဆပ်သွားခြင်းမျိုးပဲ။ မျှော်လင့်ချက်အနည်းငယ်ရှိတယ်ဆိုရင်လည်း သူ့သခင်တွေ သူ့ကို ချစ်ခင်တာလေးတစ်ခုလောက်ပဲမျှော်လင့်တယ်။ ခွေးတစ်ကောင်လောက် လူတစ်ယောက်ကို ချစ်တတ်ဖို့ဆိုတာ လွယ်မှာမဟုတ်ဘူး။ လူတွေရဲ့အချစ်ဟာ မျှော်လင့်ချက်တွေနဲ့။ ဒီမျှော်လင့်ချက်လေးကုန်သွားရင် မချစ်ကြတော့ဘူး။

ကမ်းခြေကို မကြာမကြာသွားဖြစ်လာတယ်။ လေထဲမှာပါဝင်တဲ့ ညင်သာမှုအကြောင်းကို ကျွန်တော်နားလည်လာတယ်။ လှိုင်းကလေးရဲ့အိမ်မက်ဟာ ကမ်းခြေအထိပါပဲလို့ ရင်ထဲက နက်နက်ရှိုင်းရှိုင်းသိရှိလာခဲ့တယ်။ ပင်လယ်ကိုချစ်လာတယ်။ ပင်လယ်ပေါ်မှာ အဆုပ်လိုက်ပွင့်နေတဲ့တိမ်ဟာ ကျွန်တော်တို့လူငယ်ဘဝရဲ့ ကိုယ်တိုင်ရေးပုံတူလို့ သိမ်သိမ်မွေ့မွေ့လေး လက်ခံလာခဲ့တယ်။ သေဆုံးသွားတဲ့ခွေးလေးဟာ ကျွန်တော့်စိတ်ထဲမှာတော့ကမ်းခြေက သဲသောင်ပေါ်မှာလျှောက်ပြေးနေခဲ့တယ်။ ပင်ဂွင်းငှက်လေးတွေစောင့်ရှောက်ပေးတဲ့ Oddball လို Maremma sheepdog ခွေးဖြူလှလှကြီးလည်းမဟုတ်၊ သခင်ကို ဘူတာမှာ ထိုင်စောင့်နေတတ်တဲ့ Hachikō လို Akita ခွေးလည်းမဟုတ်။  Quill လို မျက်မမြင်တွေစောင့်ရှောက်ပေးတဲ့ Labrador Retriever လည်းမဟုတ်ဘူး။ ရိုးရိုးလေး အရောင်စိုစိုနဲ့လှနေတဲ့ မြန်မာခွေးဝဝလေးတစ်ကောင်ပဲ။ မျက်လုံးအပေါ်မှာ အဝါရောင် အဝိုင်းလေးနှစ်ခုနဲ့ သိပ်များများစားစား နားလည်ပုံမရတဲ့ ခပ်ရိုးရိုးခွေးလေးတစ်ကောင် .... သဲသောင်နားမှာ ပြေးနေခဲ့တယ်။

Cannon Rock ကို ကမ်းခြေမှာ နားထောင်ရင်း ဖြတ်သွားတဲ့ သင်္ဘောတွေ၊ စက်လှေတွေ၊ ငါးမျှားနေတဲ့သူတွေကို ငေးကြည့်ရင်း ဘဝရဲ့တည်မြဲမှု၊ မတည်မြဲမှု၊ ခိုင်ခံ့မှု၊ ပျက်ပြယ်လွယ်မှုတွေကို ဆင်ခြင်နေမိတယ်။ အမြန်ဆုံးစိတ်နဲ့သွားရင်တောင် မရောက်နိုင်တော့တဲ့ ကမ္ဘာငယ်လေးတစ်ခုလည်းရှိတယ်။ ပတ်ဝန်းကျင်နဲ့ သဟဇာတမဖြစ်တဲ့ လူငယ်တွေလည်းရှိမယ်။ မိသွားတဲ့ငါးကို သေချာဖြုတ်ယူပြီး ပင်လယ်ထဲပြန်လွှင့်ပစ်လိုက်တဲ့ ကောင်လေးတစ်ယောက်လည်းတွေ့တယ်။ လက်ကိုကိုက်လိုက်လို့တော့ဟုတ်ပုံမရဘူး။ ပိုင်ဆိုင်လိုတာမဟုတ်ဘဲနဲ့ ဖမ်းမိတာကို ပျော်ရွှင်ရုံသက်သက်နဲ့ဘာကိုမှ မဖမ်းဆီးကြရင် မကောင်းဘူးလား။ ပင်လယ်ထဲ ပေါလောမျောလာတဲ့ ငါးမုတ်တစ်ကောင်ကရော ... သူ့ကိုယ်သူ ရေနှစ်သတ်သေခဲ့တာမျိုးလား။ စာတန်းတစ်ချို့အရတော့ ငါးမျှားခွင့်ဆိုတာ နေရာဒေသနဲ့ပိုင်ဆိုင်ခြင်းပြအမှတ်အသားပဲ။ ပင်လယ်ကိုပိုင်သူတွေဟာ ဦးရှင်ကြီးနဲ့အမျိုးတော်တာလား။ ကွန်တိန်နာသင်္ဘောပေါ်မှာ ပါသွားတဲ့ မာလိန်မှုးကြီးကရော .... ကုန်းပေါ်ရောက်ရင် ဘယ်လိုယာဉ်ကိုမောင်းထွက်သွားမှာလဲ။

တစ်ချို့လှေလေးတွေက သိပ်မြန်တယ်။ ဝန်ပိုမပါတာလည်းပါမှာပေါ့။ ကျွန်းဆီကို အရှိန်နဲ့ဖြတ်မောင်းသွားတယ်။ ဝိမုတ္တိရသဆန်တယ်။ ကျွန်တော်ငေးကြည့်နေလိုက်တယ်။

သွေးထဲမှာပါလာတာတွေက အနုပညာဆိုရင်၊ အနုပညာမပါတဲ့ နေ့ရက်တွေအတွက် ခင်ဗျားဝမ်းနည်းရလိမ့်မယ်ထင်တယ်။ ခေါင်းပေါ်မှာ အုပ်ဆိုင်းနေတဲ့ သစ်ပင်ကြီးပေါ်မှာ ကြက်တူရွေးတစ်အုပ်ရှိပြီး .... သူတို့ဘဝလောက်မှ ခင်ဗျားမပျော်ရဘူးဆိုရင် ဒုလ္လဘအတုကြီးကို ဆင်သေကြီးလို နားမိနေပြီဆိုတာ ကျွန်တော်တို့ရိပ်မိကြဖို့ကောင်းပြီ။ ခက်တာက ရရှိပြီးသား ဆင်သေကြီးကို ကမ်းခြေဆီပြန်လှော်ခတ်သွားဖို့ ကျီးကန်းတစ်ကောင် မစွမ်းသလိုဖြစ်နေတာမျိုး ...။ ထားခဲ့ရမယ့် ဆင်သေကြီးနဲ့ ဝေးသထက်ဝေးလာတဲ့ ကမ်းခြေ ....၊ ဒါကိုပဲ ကျောက်စာထွင်းသလို ခပ်နှေးနှေးနဲ့ လက်မှန်မှန်ချိန်ဆပြီး တည်ဆောက်တော့လည်း ဘဝဖြစ်လာတယ်။

စကြဝဠာကြီးက လူတွေ အားလုံးသေသွားလည်း ထူးပြီး မခံစားရပါဘူး။ သူ့တည်ရှိမှုနဲ့ယှဉ်ရင် လူ့သမိုင်းရဲ့ တည်ရှိချိန်က မျက်တောင်တစ်ခတ်မျှပဲမဟုတ်လား။ watchmen ဇာတ်ကားအရတော့ ဒေါက်တာ မန်ဟက်တန်ဟာ မားစ်ဂြိုဟ်မှာ ပျော်ပွဲစားထွက်နေခဲ့ပုံရတယ်။ အစနဲ့အဆုံးကိုမြင်သွားတဲ့အခါ လူဟာ တွယ်တာမှုကို စွန့်လွှတ်နိုင်လာကြတယ်ထင်ပါရဲ့။

ရဟန်းသုံးပါး ဆရာသမားဆီရောက်လာတော့ လိုနေတဲ့တရားအတွက် စိတ်ဓာတ်ပြတ်သားပုံတွေပြောကြတယ်။ တစ်ပါးက ဆရာသခင်ဆီမှာ အကျိုးရှိတဲ့တရားရှိရင် ဒီတရားအတွက် ခြေဖနောင့်ကစပြီး ကျောက်တုံးနဲ့ထိုင်သွေးနေဆို ထိုင်သွေးနေနိုင်ပါတဲ့။ နောက်တစ်ပါးက တောင်ထိပ်ကနေ ခုန်ချဆိုရင်တောင် ခုန်ချနိုင်ပါတယ်တဲ့။ နောက်တစ်ပါးက ဝင်သက်နဲ့ထွက်သက်ချက်ချင်းချုပ်ဆိုလည်း ချုပ်လိုက်ပါ့မယ်တဲ့။ တရားကိုဆာလောင်ပုံကွာသွားတဲ့ခေတ်တွေမှာ တရားဟာဝေဝါးလာတယ်။ ဝေဘူဆရာတော်ကြီးခေတ်တုန်းကတော့ တရားထောက်အဘိုးကြီးတွေက စကားပြောအလွန်ကောင်းကြတာတွေ့တယ်။ ပင်လယ်မှာထိုင်နေရင်း စိတ်ဟာလွင့်နေတယ်။ တစ်သက်လုံးဖတ်လာတဲ့စာတွေဟာ ဆင်ပုံတိမ်ရေးရုပ်လေးနဲ့အတွေ့မှာ ငုတ်တုတ်မေ့သွားရရှာတယ်။ သဘာဝကြီးဟာ လူလုပ်အလှတွေလို သေးသေးဖွဲဖွဲမဟုတ်ဘူး။ လူဟာ တောင်တန်းကို မပြုလုပ်နုိုင်ဘူး။ ပင်လယ်မှာ လှိုင်းလေးတွေမလုပ်တတ်ဘူး။ ကျယ်ပြောတဲ့အလှမှာ လူလုပ်အမှန်တရားတွေအားလုံးမှိန်ဖျော့သွားတယ်။ လူတွေဟာ ငယ်ဘဝက ကဗျာလေးလို ငါးလေးတစ်ကောင်လည်းဖမ်းမိခဲ့ကြတယ်။ မှိတ်တုတ်ကြယ်လေးကိုလည်း အံ့သြခဲ့ကြတယ်။ တဲနဲ့ပနံသင့်တဲ့ကြာဖြူလေးတစ်ပွင့်ကုိုလည်း ဆွတ်ပျံ့ခဲ့ကြတယ်။ နေဟာ ပင်လယ်ထဲကနေထွက်လာပြီး ပင်လယ်ထဲပြန်ငုပ်ရှိုးသွားတယ်။ လေယာဉ်ဟာတိမ်တိုက်ထဲတိုးဝင်ပျောက်ကွယ်သွားတယ်။ ချစ်ခင်ရတဲ့ မိဘတွေ၊ အဖိုးအဖွားတွေဟာလည်း တိမ်တိုက်တစ်ခုထဲ တိုးဝင်ပျောက်ကွယ်သွားတယ်။ ချစ်ခင်ရတဲ့သား၊သမီးတွေဟာလည်းတိမ်တိုက်တစ်ခုထဲတိုးဝင်ပျောက်ကွယ်သွားတတ်တယ်။

ပိုက်ကွန်ထဲမိနေတဲ့ငါးတစ်ကောင်အတွက် အနာဂတ်ကို သူပိုင်တယ်လို့ ပြောစရာ စကားလုံးမရှိတော့တာကိုတွေ့ရတယ်။ ငါးစာအတုနဲ့ မျှားရင်း မိသွားတဲ့ ငါးတစ်ကောင်ရဲ့ ဇာတ်လမ်းကတော့ ပိုနာကျင်စရာကောင်းမယ်ထင်တယ်။ ရိုးရာနည်းအရ ကျောက်တုံးတွေကို တံတွေးနဲ့ထွေးပြီး ငါးမျှားမယ့်နေရာကို ကျဲချလိုက်တဲ့ ကိုတံငါတွေလည်းတွေ့တယ်။ ဟိုဟိုဒီဒီငေးနေတဲ့ကမ်းခြေစောင့် ကြောင်တစ်ကောင်လည်းရှိတယ်။ (သူကတော့ လူတွေကို အထင်သေးနေတဲ့ မျက်လုံးတွေနဲ့ သူ့ဘဝကို သူကျေနပ်နေတယ်။) ကမ်းခြေမှာ လျှပ်စစ်ဘီးတွေ စီးနင်းနေတဲ့ လူတွေကိုတော့ ဘယ်သူမှ နားမလည်နိုင်ကြတော့ဘူး။ ပင်လယ်ကမ်းခြေကသဲတွေကို ကလေးထိန်းလိုအသုံးချနေတဲ့ မိဘတွေလည်းရှိတယ်။ စကူတာကို အရှိန်နဲ့စီးနေတဲ့ ကလေးပေါက်စလေးတွေလည်းရှိတယ်။

နှစ်ဟောင်းတစ်ခုဟာ ဘာလဲ။ နှစ်သစ်ဟာဘာလဲ။ ဘာတွေထူးခြားပြောင်းလဲသွားသလဲ။ သတ်မှတ်ထားတာမရှိရင် မနေ့ကနဲ့ ဒီနေ့ ဘာမှမထူးဘူးမဟုတ်လား။ ဒီနေ့မှာမနေ့ကနဲ့မတူတာဆိုလို့ ၂၀၁၆ နေရာမှာ ၂၀၁၇လို့ နေ့စွဲပြောင်းဖို့လိုသွားတာတစ်ခုပဲမဟုတ်လား။ ရုတ်တရတ်ကြီး တစ်ရက်တာအတွင်း ခင်ဗျားက ဘယ်လောက်ပြောင်းလဲသွားချင်တာလဲ။ နှစ်ဦးကုသိုလ်တွေ လုပ်တာတော့ကောင်းတယ်။ ဒါပဲလား။ ဒီနှစ်အတွက် ဒါအကုန်ပဲလား။ ကုသိုလ်ဟာ နေ့တိုင်းဆောင်ထားရမယ့် ဥစ္စာမဟုတ်လား။ နှစ်ဟောင်းအဓိဌာန်မအောင်မြင်ခဲ့သူတွေက အဟောင်းကိုအသစ်လုပ်ကြဦးမယ်။ ဒီလို အရူးထတာလေးတွေကပဲ ဘဝကို အယေားပြေစေတာမျိုးလား။ နူနာမရှိရင် မီးကင်စရာမလိုဘူးမဟုတ်လား။ ကိုယ့်ဘဝကြီးကို တစ်ယောက်ယောက် အထင်ကြီးနေဖို့ လိုအပ်သလား။ ကိုယ့်ရဲ့ရှင်သန်မှုရိုးရှင်းနေရင် သိမ်ငယ်တယ်လို့ ခံစားရလို့လား။ ဒေါ်ကြည်အေး ကွယ်လွန်သွားတဲ့၂၀၁၆၊ ပုို့စ်ကဒ်လေးရောက်သွားပြီးမှ ဆုံးသွားတာဆိုတော့ ဆုံးသွားတာဝမ်းနည်းပေမယ့် ချစ်ခင်သူတွေရဲ့ မေတ္တာကို သိခွင့်ရသွားတာ မင်္ဂလာပဲလို့လည်းတွေးလိုက်တယ်။ အင်းလေးသွားတုန်းကရိုက်ခဲ့တဲ့ပုံလေးကို Iphone App ကနေ ပို့စ်ကဒ်လုပ်ပြီး ဒေါ်လာ နှစ်ကျပ်ကိုးဆယ်ထင်တယ်၊ ပေးလိုက်ရင် ကဒ်ထုတ်ပြီး လိပ်စာဆီအရောက်ပို့ပေးတယ်။ သူ့စာတွေ ငါများများမဖတ်ဖူးပါဘူး။ နေမကောင်းတဲ့ စာရေးဆရာတစ်ယောက် နေကောင်းစေချင်တယ်။ လူတွေရဲ့ စိတ်ဓာတ်ကိုမြှင့်တင်ပေးခဲ့သူတွေအတွက် လူသားတိုင်းမှာ ကျေးဇူးဆပ်ဖို့လိုတယ်လို့ ခံစားရတယ်။ ဒါက ငါကျင့်သုံးတဲ့ဘာသာတရားပေါ့။ ဆုံးသွားတဲ့လူတစ်ယောက်ကုို ဆုံးဆုံးချင်း မကောင်းကြောင်းပြောတာလောက် အောက်တန်းကျတာတော့ဘယ်ရှိမလဲ၊ မလေးစားချင်နေပါ၊ လွတ်လွတ်ကင်းကင်း လူကြီးဆန်နေလိုက်ပါ။ လူတစ်ယောက်ကို အထင်သေးတဲ့သူဟာ သူ့ကိုယ်သူလေးစားလို့မရနိုင်ဘူး။ လူများကုို နှိမ့်ချလိုက်လို့ ကိုယ်မြင့်တက်မသွားပါဘူး။ ကိုယ်ပဲနိမ့်ကျသွားတာပါ။

သီတဂူဆရာတော်ကတော့ တရားပွဲပြီးရင် count down သွားကြဦးမှာပဲမဟုတ်လားလို့မေးတော့  .. ဟာ ..ဒီဘုန်းကြီး ခေတ်မီလှချည်လားလို့တွေးမိတယ်။ ပင်လယ်နဲ့တောင်တန်းတွေဟာ စိတ်ချမ်းသာမှုနဲ့ဆက်စပ်နေတယ်။ ကိလေသာကင်းလာရင် အိပ်ချိန်နည်းလည်း အိပ်ရေးဝလာတယ်။ အပုိုတွေကုို လျှော့ချလိုက်ရင် တန်ဖိုးရှိတာတွေအတွက် အချိန်ထွက်လာတယ်။ ဇနီးသည်ရဲ့ ဆက်လက်စ jigsaw အခု ၁၀၀၀ ဟာ တဖြည်းဖြည်း ရုပ်လုံးပေါ်လာတယ်။ 2016 မှာ rating 6.7 ကျော်တဲ့ ဇာတ်ကားတွေ အရင်ပြီးအောင်ကြည့်သွားဖို့ ကြည့်ပြီးသားစာရင်းနဲ့ ကြည့်ရန်လက်ကျန်ကိုညှိတယ်။ ဖတ်လက်စစာအုပ်တွေကို အရှိန်မြှင့်ပြီးဖတ်တယ်။ တစ်နှစ်တစ်ခေါက်လောက်ပေါ်တဲ့စိတ်ကူးအတိုင်း Gym မှာသွားပြေးရင်း ကီလိုခြောက်ဆယ်လောက် မကြည့်တယ်။ ကိုယ်အလေးချိန်က မနှစ်ကထက် ၆ ကီလိုကျသွားတယ်။ စုဆောင်းငွေတွေ၊ အလှူငွေတွေကိုလည်း စာရင်းစစ်ကြည့်တယ်။ တစ်နှစ်မှာတစ်ခါ ပြန်သုံးသပ်ကြည့်တယ်။ နှစ်ပေါင်းများစွာက ချမှတ်ခဲ့တဲ့ လမ်းကြောင်းအတိုင်းပဲ ဖြည်းဖြည်းလေးသွားတယ်။ အီကွေတာရာသီဥတုထဲမှာ ဆောင်းကို ဘယ်နားမှာသွားရှာကြမှာလဲ။

ဖိနပ်ပေါ်လာနားနေတဲ့ ပုစဉ်းလေးကုိုကြည့်ရင်း .... သူ ဘယ်နှစ်ရက်ရှင်သန်ရသလဲ wiki မှာရှာကြည့်လုိုက်တယ်။ သူခြောက်လပဲနေရတယ်လို့ပြောတယ်။ အသက်ခြောက်လပဲနေရတော့မယ်ဆိုရင် ခင်ဗျား ပုစဉ်းတစ်ကောင်လောက် ပျော်အောင်နေတတ်ပါ့မလား။ ခြောက်လစာအပူတွေနဲ့ မျက်ရည်စမ်းစမ်းဖြစ်နေဦးမှာလား။ ကုိုယ့်ကိုယ်ကုိုလည်းမေးကြည့်တယ်။ ခြောက်လပဲနေရတော့မယ်ဆိုရင် ကမ်းခြေမှာပဲ တဲထိုးပြီးနေမယ်စိတ်ကူးတယ်။ အဲဒါနဲ့ သေတာမသေတာအပထား၊ ရှေ့တစ်ပတ်ကစပြီး မိုးမရွာတဲ့နေ့ဆိုရင် ကမ်းခြေမှာ တနင်္ဂနွေတိုင်း တဲထိုးပြီး သွားနေမယ်စိတ်ကူးလိုက်တယ်။ စာရေးစရာ စာအုပ်တစ်အုပ်နဲ့ ဘောပင်တစ်ချောင်းယူသွားမယ်။ တိမ်တွေအကြောင်း များများရေးမယ်။ တံငါသည်တွေအကြောင်းလည်းပါရမယ်။ လေပြည်တွေအကြောင်းလဲပါမယ်ပေါ့။

အခုခင်ဗျားဖတ်နေတာ ပင်လယ်ကမ်းခြေမှာ ကျွန်တော်ရေးနေတဲ့ စာတွေပေါ့။ ဆားငန်လေနဲ့ ကပ်သွားတဲ့ ဆံပင်တွေအကြောင်း နေလောင်လုို့ အရောင်ပြောင်းသွားတဲ့ အရည်ပြားတွေအကြောင်းနဲ့ သောင်ပြင်ပေါ်က ကလေးရယ်သံတွေကိုတော့ ကြားချင်မှကြားရမယ်။ ပင်လယ်ကရေးလုိုက်တဲ့စာကုို နားလည်ဖုို့ ခင်ဗျား ပင်လယ်ကမ်းခြေထွက်လာမှရမယ်။ အိမ်ခန်းလေးထဲကနေ ပင်လယ်လေထဲက အရောင်အဆင်းတွေ၊ အနံ့တွေအကြောင်းကုို ဘယ်လိုနားလည်အောင်ပြောမလဲ၊ တိမ်ထဲပျောက်ကွယ်သွားတဲ့ လေယာဉ်လေးဟာ ချစ်တဲ့ခင်တဲ့သူတွေ ပျောက်ကွယ်သွားတဲ့ ခင်ဗျားတို့အတွက် ရသတစ်ခုခုရှိမှာအမှန်ပဲ ...........။             ။


Regards,
Zephyr




Peace B with U.

Friday, December 2, 2016

စင်ကာပူရောက်မြန်မာမိသားစုများနှင့် နိုင်ငံတော်အကြံပေးတွေ့ဆုံပွဲ ( ဒီဇင်ဘာ တစ်ရက်နေ့ ၂၀၁၆)


Meeting of Union of the Republic of Myanmar's State Counsellor Daw Aung San Suu Kyi with Myanmar Community in Singapore


(1)
ဒီနေ့ နိုင်ငံတော် အကြံပေး ဒေါ်အောင်ဆန်းစုကြည်နဲ့ စင်ကာပူက မိသားစုတွေတွေ့တဲ့ပွဲကို သွားခဲ့ပါတယ်။ ပုံမှန်ဆိုရင် သွားလေ့မရှိပါဘူး။ အိမ်ကနေကြည့်လည်းရတာပဲ၊ လက်မှတ်ဝယ်ရခက်တဲ့သူတွေ ရပါစေလို့ပဲ သဘောထားပြီး အိမ်ကနေကြည့်ပါတယ်။ အခု အစိုးရဖြစ်ပြီးနောက်ပိုင်း ဘာတွေ ပြောင်းလဲလာလဲဆိုတာ သိချင်တယ်။ စင်ကာပူကို ရောက်ရောက်ချင်းပဲ နှစ်နှစ်ဆယ်မှာ ကျော်တက်မယ်ပြောလိုက်တော့ သဘောကျသွားတယ်။ ဘယ်လိုကျော်တက်မလဲဆိုတာလည်း သိချင်သွားတယ်။ အဲဒါနဲ့သွားလိုက်တယ်။ ဗော်လံတီယာတွေက လမ်းတွေညွှန်နေတာတွေ့ကတည်းက သိပ်ပျော်သွားတယ်။ အဲဒါ မြန်မာပဲ၊ တာဝန်သိစိတ်နဲ့ လုပ်သွားတာ မင်္ဂလာသိပ်ရှိ။ အဖွဲ့နှစ်ဖွဲ့သုံးဖွဲ့လောက်ပေါင်းလုပ်ကြတယ်ထင်တယ်။ တစ်ဖွဲ့က TTMY ဆိုလားပဲ၊ စိတ်ဓာတ်တွေကို လေးစားတယ်။ အစီအစဉ်ကလည်း အပိုအလိုမရှိဘူး။ ကွက်တိပဲ။

လက်မှတ်ထုတ်ရတာလည်း booth တွေသေချာစီစဉ်ထားတော့ အဆင်ပြေမှပြေ။ မြန်မာတွေထဲမှာ စည်းကမ်းရှိပြီး ပညာတတ်တဲ့သူတွေ တနေရာတည်း အများကြီးတွေ့ရတာ မင်္ဂလာပဲ။ အားလုံးက စည်းကမ်းလိုက်နာကြတယ်။ တမင်ကြီးလုပ်နေတာမဟုတ်ဘူး။ ယဉ်ယဉ်ကျေးကျေး၊ လူကြီးလူကောင်းဆန်ဆန်ပဲ။ ထိုင်ခုံနေရာချထားပေးတာကအစ ကူညီမယ့်သူတွေ အများကြီးပဲ။ ကိုယ်ဝန်ဆောင်တွေဆိုရင်လည်း လက်တွဲပြီးတောင် လိုက်ပို့လိုက်သေးတယ်။ ကိုယ့်ဟာကိုယ်ဝပြီးဗိုက်ပူနေတာတောင် လက်အတင်းလိုက်ဆွဲလို့ မနည်းရှောင်ရတယ်။ နိုင်ငံတော်အကြံပေးကအချိန်အတိအကျရောက်လာတယ်။ ဒါက သူ့ထုံးစံပဲ။ စည်းကမ်းအင်မတန်ကောင်းပြီး ဝီရိယ အင်မတန်ရှိမှန်းသိသာတယ်။ ပွဲဆက်တွေများနေလို့ပင်ပန်းနေတယ်။ ဒါပေမယ့် အားမာန်ရှိတယ်။ မိသားစုဆန်ဆန်ပဲ ပြောသွားတယ်။ ဝေ့ဝိုက်တာမပါဘူး။ တိုင်းပြည်အတွက် အားလုံးရုန်းကြမှဖြစ်မယ်ဆိုတာကို အဓိကပြောသွားတယ်။ မဲပေးပြီးပြီ၊ နှပ်လိုက်ဦးမယ်လုပ်လို့မရဘူးဆိုတာပြောတယ်။ သူတုို့ငယ်တုန်းက အမှိုက်ပစ်ရင် ငါးပြားပေးရတာပြောတယ်။ ငါးပြားဟာ ဆီးသီးနှစ်ထုပ်စားလို့ရတော့ အမှိုက်ပုံးထဲပဲပစ်ကြတယ်။ မပစ်ရင် မုန့်ဖိုး ငါးပြားပါသွားမှာကိုး။

အခုခေတ်ကလေးတွေက ငါးပြားနဲ့တော့မရတော့ဘူး။ ငါးကျပ်လောက်ဆိုရင်တော့ ရမယ်ထင်တယ်လို့ပြောတယ်။ အခုခေတ်ကလေးတွေ တစ်နေ့မုန့်ဖိုး ငါးရာလောက်ပေးရတာတော့ သူမသိဘူးထင်တယ်။ ကလေးတွေလည်းကြီးကုန်ပြီကိုး။

ငြိမ်းချမ်းရေးနဲ့နိုင်ငံတောဖွံ့ဖြိုးရေးကို အဓိကထားဆောင်ရွက်တယ်လို့ပြောတယ်။ အဲဒါ သူ့ရဲ့ အမြင်ပဲ။ နိုင်ငံတစ်ခုကို ဦးဆောင်တဲ့သူဟာ ဒီလိုအမြင်ရှိတာ သိပ်တန်ဖိုးရှိတယ်။ အသေးအဖွဲတွေလျှောက်ပြောနေရင် သဘောကျချင်မှကျမယ်။ ဒီနှစ်ခုအရေးတကြီးလုပ်နေတယ်။ ကိုးလအတွင်းမှာ တိုးတက်မှုတွေရှိလာတာတွေ့တယ်လို့ပြောတယ်။ အဲဒါလည်းမှန်သင့်သလောက်မှန်တာပဲ။

ခက်တာတွေလည်းရှိတဲ့အကြောင်းပြောတယ်။မေးခွန်းတွေမှာလည်း ဒါကိုဖြေပေးတယ်။ ဥပမာအားဖြင့် လူမှန်နေရာမှန်ဖြစ်တာ၊မဖြစ်တာမေးတော့ တစ်ချို့လည်း ဒီတိုင်းကအကောင်း၊ အာဏာရတော့မှ ပျက်တာလို့ ရယ်ရင်းပြောသွားတယ်။ အွန်လိုင်းအခြေစိုက် ဒီမိုယောင်ယောင်တွေလို အမုန်းစကားမပြောဘူး။ အမျိုးသားရင်ကြားစေ့ရေးအတွက်ပြောသွားတာ သဘောကျတယ်။

ကလေးတွေကို အဓ္မမပြုကျင့်တဲ့အကြောင်းလည်းဖြေသွားတာကောင်းတယ်။ ကိုယ်နဲ့ သဘောထားတူညီတယ်။ အကြောင်းကိုရှာပြီး အမြစ်ပြတ်ချေမှုန်းမယ်လို့ပြောတယ်။ ပြစ်ဒဏ်တစ်ခုတည်းနဲ့မရဘူးဆိုတာသိတယ်။ စာများများဖတ်တဲ့ခေါင်းဆောင်ဟာ ဒီလို ခြေခြေမြစ်မြစ်သိနိုင်တယ်။ အဲဒါ သဘောကျတယ်။ ဖမ်းပြီး တစ်ခါတည်းသေဒဏ်ပေးမယ်လို့ပြောရင် ငါကတော့သဘောကျမှာမဟုတ်ဘူး။

တစ်ယောက်ကနောက်သလိုလိုနဲ့မေးခွန်းတစ်ခုမေးတယ်။ အမှိုက်ကောက်တဲ့သူတွေကို ငွေဒဏ်၊ ငွေဒဏ်မပေးနိုင်ရင် ထောင်ချတာ အလုပ်ရှုပ်တယ်တဲ့၊စင်ကာပူက ကြိမ်လုံးဝယ်သွားပါလို့အကြုံပြုတယ်။ အန်တီစုက ဒါကို လက်မခံဘူးတဲ့။ ပညာပေးရမယ်။ ပြောင်းလဲဖို့ကြိုးစားရမယ်လို့ပြောတယ်။ အမြင်တိမ်တိမ်တွေကို သူလက်မခံဘူး။ သူ့မှာအိမ်စာလုပ်ပြီးသား အတွေ့အကြုံအများကြီးရှိတယ်။ မေးခွန်းတွေကိုရမ်းသမ်းဖြေနေတာမဟုတ်ဘူး။ ဥာဏ်ကောင်းလို့ရွှီးပြီးဖြေနေတာမဟုတ်ဘူး။ လေးနက်တဲ့ အယူအဆနဲ့ သုံးသပ်ထားတာများတယ်။ ချက်စ်စကားနဲ့ပြောရင် ဒီလိုင်းတွေ ကြေပြီးသားပေါ့။

(2)
တစ်ယောက်က မေးခွန်းမေးတယ်။ အန်တီစုက နှစ်နှစ်ဆယ်မှာ စင်ကာပူကို မီရမယ်ပြောသွားလို့ အားရတယ်။ ကျနော်တို့ ဘယ်နေရာမှာ ပါဝင်ရမလဲတဲ့။ အဲဒီတော့ သူက အရွှန်းဖောက်ရင်းပြန်ဖြေတယ်။ မီရ
မယ်ပြောတာမဟုတ်ဘူး။ ကျော်တက်မယ်ပြောတာတဲ့။ သိပ်အားပါတယ်။ ဒါပေမယ့် သူပြောတာ နည်းလမ်းကျတယ်။ လူတုိုင်းဟာကိုယ့်နိုင်ငံအတွက် ကူနိုင်တာကူရမယ်။ ဆရာဝန်၊ အင်ဂျင်နီယာ၊ ကျောင်းဆရာ နိုင်ရာတာဝန်ထမ်းရမယ်။ ကိုယ်ဘယ်လောက် နုိုင်ငံအတွက်လုပ်သလဲ၊ လုပ်သလောက်ပဲ မျှော်လင့်နိုင်မယ်ဆိုတာပြောတယ်။ အဲဒါသဘောကျတယ်။ ဘာလို့လည်းဆိုတော့အပြောသမားတွေဟာ ဘာမှမလုပ်ပဲ ပြောနေတာပဲများတာကိုး။

နောက်တော့ ပတ်စပို့ ကိစ္စပြောတယ်။ သူဆွေးနွေးပြီးပြီဆိုတာဖြေပေးတယ်။ရှိနေတဲ့ ပတ်စ်ပို့တွေကို သက်တမ်းကုန်တဲ့အထိ လဲစရာမလိုဘူးလို့ပြောတယ်။ ဒါကိုအကြောင်းပြပြီး ငွေညှစ်တဲ့အရာရှိတွေကုိုလည်း ထိထိရောက်ရောက် အရေးယူမယ်ပြောတယ်။ ကောင်းတာပဲ။
နောက်ထပ်မေးခွန်းတွေကုိုလည်း ဒိုးဒိုးဒေါက်ဒေါက်ပဲဖြေသွားတယ်။ စင်ကာပူမှာရှိတဲ့ မလေးတွေက ဘာသာရေးဖိနှိပ်တယ်ဆိုတဲ့ အမြင်မျိုးနဲ့ Media တွေမှာ နည်းနည်း ပြောဆိုနေတာတွေရှိတယ်။ ဒီပွဲမှာတော့ ဒါကို မပြောသွားဘူး။ မလေးရှားမှာ နာဂျစ်တို့ကတော့ လမ်းလျှောက်ဆန္ဒပြမယ်ပြောတယ်။ တစ်ချို့ကလည်း အမျိုးသားဝါဒ၊ဘာသာရေးနဲ့ နုိုင်ငံရေးအင်အားပြန်လည်ထူထောင်တာလို့သုံးသပ်တယ်။
ကျနော့်သဘာဝအားဖြင့်တော့ပုဂ္ဂိုလ်ရေးကြည်ညိုတာ အင်မတန်နည်းတယ်။ ဘယ်လောက်တော်တော် အထင်ကြီးလေ့၊ အထင်သေးလေ့မရှိဘူး။ သူ့ဟာသူတော်တာ၊ သူ့ဟာသူတတ်တာ ကောင်းတာပဲ၊ မတော်တဲ့သူလည်း သူ့ဟာသူမတော်တာ ကောင်းတာပဲလို့တွေးတယ်။ ဒေါ်အောင်ဆန်းစုကြည်မှာကြတော့ ရဲရင့်တဲ့သတ္တိကိုမြင်ရတယ်။ ဒါတော်တော်ရှားတဲ့ ဂုဏ်ပဲ။ ဖက်ရှင်ဒီဇုိုင်းတွေတော်တာတော့ သိတယ်။ ဒီသတ္တိကတော့ သူ့မျက်လုံးမှာပေါ်နေတယ်။ မြန်မာထဲမှာ ဒီလောက် သတ္တိကောင်းတဲ့မျက်လုံးရှိတာ သိပ်ရှားတယ်။

သူက နုိုင်ငံတော်ရဲ့ နယ်နိမိတ်တွေ ကာကွယ်ဖို့ကိစ္စတွေလည်း ပြောသွားတယ်။ မျှတတဲ့ အမြင်မျိုးနဲ့ပဲပြောသွားတာ။ ရှေ့ကလူ နှိပ်ကွပ်မယ်မပြောဘူး။ ဥပဒေကြောင်းအရပဲ၊ မှားနေရင်တောင် ခွင့်လွှတ်နုိုင်တာ ခွင့်လွှတ်ပြီးပြုပြင်ရင် လမ်းကြောင်းမှန်သွားမယ်ဆိုတဲ့ စိတ်ထားမျိုးထားတယ်လို့ပြောတယ်။ ဒီလိုစိတ်မရှိဘဲလည်း နုိုင်ငံရေးလုပ်လုို့မရဘူး။ အွန်လိုင်းက ဒီမိုဆိုတဲ့သူတွေကြည့်၊ အားလုံးသတ်လိုက်၊ ရှေ့ကကောင်တွေ အားလုံးဖြုတ်ဆိုတာက စတာပဲ။ အတွေးအခေါ်က founded မဖြစ်ဘူး။ ယုတ္တိမတန်ဘူး။ ကလေးဆန်လွန်းတယ်။ အဲဒါမျိုးမကြိုက်ဘူး။ ခေါင်းဆောင်က ပညာရှိပြီး နောက်လိုက်တွေက ဒီလိုဖြစ်နေရင် မကောင်းဘူး။ မူဝါဒချင်းမတူဘူးလို့ပြောလုို့ရတယ်။

အန်တီစုပြောသွားတဲ့အထဲမှာ တစ်ချက်ပါတယ်။ ကျမတို့အစိုးရလက်ထက်မှာတောင် ကြောက်နေသေးတယ်ဆိုရင် အဲဒီလူ အလို့ပဲတဲ့။ မှန်တာကုို ပြောရဲရမယ်။ ထောက်ပြရဲရမယ်။ လာဘ်စားတာကုိုလည်းတုိုင်ရမယ်။ တောင်းလုို့ အမြန်လုိုချင်လုို့ပေးလိုက်ရပါတယ်ဆုိုလည်း အဲဒါပါ ထည့်ပြောပြီးတုိုင်တဲ့။ ဝန်ကြီးတွေကတော့ လာဘ်မစားတော့ဘူး။ အောက်ခြေမှာတော့အရင်အတုိုင်းဆုိုပြီး သူ့ကိုပြောကြတာတွေရှိတယ်တဲ့။ နုိုင်ငံသားတွေရဲ့တာဝန်က အဲဒီလူတွေကုို ရှာဖွေဖော်ထုတ်ပြီး တုိုင်ဖုို့ပဲတဲ့။ ငါလည်း မြန်မာပြည်ပြန်ရင် မကျေနပ်တာမှန်သမျှတုိုင်မယ်စိတ်ကူးတာ အခန့်သင့်သွားတယ်။

(3)
နောက်တစ်ချက်စဉ်းစားစရာကောင်းတာက လူအများစုဟာ ဘာမဆို အစုိုးရကပဲလုပ်ပေးမယ်ထင်နေတာ။ အဲဒါ ဒီမိုကရေစီနဲ့ မကိုက်ညီဘူး။ ဒါကိုလည်းပြောသွားတယ်။ ဒီမှာရှိတဲ့လူတွေက NLD ကိုဘာလို့ မဲထည့်လိုက်ကြတာလည်း၊ ဘာလို့ အပင်ပန်းခံပြီး အားပေးထောက်ခံဝန်းရံကြတာလဲဆိုတာသူစဉ်းစားတယ်၊ နောက်ဆုံးနုိုင်ငံအတွက် ကောင်းတာတွေလုပ်ပေးနုိုင်မယ်လုို့ ယုံကြည်လုို့မဲပေးလုိုက်တာပဲလုို့ သူယူဆတယ်လုို့ပြောတယ်။ အားလုံးလက်ခုပ်တီးကြတာပေါ့။ မျှော်လင့်ချက်တွေ အများကြီးထားကြတာလည်း သူသိတယ်။ အဲဒါ အရေးကြီးတယ်။ ပြည်သူတွေ မျှော်လင့်တာကို မသိရင်ကြိုးစားကြမှာမဟုတ်ဘူး။ အစုိုးရအဖွဲ့မှာလည်း နုိုင်ငံတော်အကြံပေးလုိုလူ ဆယ့်ငါးယောာက်လောက်ရှိစေချင်တယ်။ အတွေးအခေါ်ရော စိတ်ဓာတ်ကိုပါ လေးစားတယ်။ တခြားအစိုးရအဖွဲ့ဝင်တွေကုို နှိမ်တာမဟုတ်ဘူး။ ကြိုးစားကြစေချင်တာ။

ရုံးလုပ်ငန်းတွေ ပိုပြီး မြန်ဆန်အောင်ဆောင်ရွက်ပေးမယ်လုို့တော့ပြောတယ်။ ဒီနေရာမှာတော့ သိပ်ကျယ်ကျယ်ပြန့်ပြန့်မပြောသွားနုိုင်ဘူး။ အချိ်န်မရှိလုို့။ ဒီကလူတွေကလည်း online ဝန်ဆောင်မှု များများသုံးပါလုို့ အကြံပေးချင်တယ်။ ကားသက်တမ်းတုိုးတာ၊ ရေခွန်၊မီးခွန်ဆောင်တာတွေ online ကနေပေးလုို့ရတယ်ဆုိုရင် လူတွေ အလုပ်ရှုပ်သက်သာသွားမယ်။ ကားပိတ်တာနည်းသွားမယ်။ ဆီကုန်သက်သာသွားမယ်။ လူတွေအလုပ်မရှုပ်တော့ဘူး။ ဒဏ်ငွေဆောင်တာလည်း online ကနေဆောင်လုို့ရရင် စောင့်ရတာမရှိတော့ အဆင်ပြေတယ်။ မြန်မာပြည်မှာ စာရွက်စာတမ်းကိစ္စအချိန်သိပ်ကြာတယ်။ တစ်ခုခုမေးလုိုက်ရင် အထက်ကိုတင်ပြထားပါတယ်ဆိုတာကနေ မဆင်းလာတော့ဘူး။ အဲဒါလည်း မေးခွန်းမေးတာပါတယ်။ အန်တီစုလည်း ဒါတွေကိုသိပါတယ်။ ခက်တာတွေကုို ခက်မှန်းသိရက်နဲ့အစုိုးရသစ်ဟာ အခက်တွေရင်ဆုိုင်ဖုို့ တက်လာတာလုို့ပြောပါတယ်။ ဒီတစ်ချက်ကို အားလုံးသိကြရင်ကောင်းတယ်။ တစ်ချို့လည်း ဝန်ကြီးသာဖြစ်လာတယ်။ ဥပဒေလည်း နားမလည်၊ စကားပြောရင်လည်းကျပန်းလုိုလုို၊ ပါတီဘုန်းတော်ဘွဲ့လုိုလိုပြောတာ ငါနားမလည်ဘူး။ ပြည်သူတုိုင်းကတော့ ဒီပါတီကြိုက်ချင်မှကြိုက်မှာပေါ့။ နုိုင်ငံအတွက် လုပ်ပေးမယ်ယုံလုို့မဲပေးတာ။ ခေါင်းဆောင်ကတောင် ပါတီမွှမ်းခန်းမဖွင့်ဘူး။ မယ်ဘော်တွေ အတော်ကဲတာ။

တစ်ယောက်စီကုိုလည်း စည်းကမ်းလုိုက်နာဖုို့၊ ဝီရိယမလျော့ဖုို့၊ ဝီရိယလေးဆင့်နဲ့၊ လဲကျနေရင်တောင် ထပြီး ပြန်ဆက်လုပ်ဖုို့၊ ရှုံးနေရင်တောင် ဆက်ကြိုးစားဖုို့အထိ ဝီရိယကြီးကြီးနဲ့သွားကြဖုို့ပြောတယ်။ ဒါ အရေးကြီးတယ်။ ကိုယ်ကတော့ငပျင်း၊ အစိုးရဖျင်းနေရင် ထုိုင်ဘုတောနေဖုို့မကောင်းဘူး။ နောက်များဆုို ငါလည်း သတိထားမှပဲလုို့ သံဝေဂ ငါးမူးဖုိုးလောက်ရသွားတယ်။ ဒါပေမယ့် ငါ အွန်လုိုင်းက ဒီမုိုသမားတွေအစွန်းရောက်ကြတာကုိုတော့ မကြိုက်ဘူး။ အာဃာတများလွန်းတယ်လုို့ထင်တယ်။ ဒီစိတ်နဲ့လုပ်လုို့မရဘူးလုို့ငါထင်တယ်။ လူတုိုင်းမှားတတ်တယ်။ မှားတာကို ပြန်ပြင်လုို့မရဘူးလုို့ဘာလုို့ထင်ကြတာလဲ ငါလည်းမတွေးတတ်ဘူး။

တရုတ်ပြည်က ပန်းရံဆရာတွေ ဝင်လာတဲ့အကြောင်းမေးတာကို ဖြေတာတော့ကြိုက်တယ်။ တကယ်လုပ်နုိုင်မလုပ်နုိုင်တော့ ငါလည်းမသိဘူး။ နုိုင်ငံတွင်းမှာ လာလုပ်တဲ့ နုိုင်ငံခြားလုပ်ငန်းတွေထဲမှာ နုိုင်ငံအတွက်နဲ့ နုိုင်ငံက အလုပ်သမားတွေရဲ့ ကျွမ်းကျင်မှုအဆင့်မြှင့်တင်ပေးနုိုင်မယ့်လုပ်ငန်းတွေကို ဦးစားပေးမယ်ပြောတယ်။ ခက်တာက ငါတုို့ဆီက အလုပ်သမားတွေက ငပျင်းများတာ။ တကယ်မှမလုပ်ချင်တာ။ တရုတ်ကအလုပ်ကြမ်းသမားက ဟုိုမှာ စားစရာရှိချင်မှရှိမယ်။ ဒီမှာတကယ်လာလုပ်နေတာ။ ပိုိုက်ဆံတကယ်လာရှာနေတာ။ လုပ်ငန်းလည်း တကယ်ကျွမ်းကျင်ပြီးမခုိုမကပ်လုပ်နေတာ။ အဲဒီနှစ်ခုကို နုိုင်ငံသားကို အခွင့်အရေးပေးချင်ရင်တောင် လုပ်ငန်းရှင်က ရွေးချယ်ခွင့်ရှိနေရင် ဈေးပိုကြီးရင်တောင် စိတ်ချရတဲ့ လုပ်အားကုိုပဲ သူကကြိုက်မှာပဲ။ ဒီကိစ္စက လေးနက်တဲ့ကိစ္စ တစ်ခွန်းနှစ်ခွန်းနဲ့မပြီးဘူး။ ငါလည်း ဒါကို အလေးအနက် စဉ်းစားမိတယ်။ နုိုင်ငံတော်အကြံပေးကလည်း ပြည်တွင်းအလုပ်သမားတွေ (ဥပမာ ပန်းရံတွေ၊ သံချည်သံကွေးအလုပ်သမားတွေ)ကို နည်းပညာအဆင့်မြှင့်တင်ပေးတဲ့ သင်တန်းလာဖွင့်ချင်တဲ့သူတွေရှိရင်လည်း ကြိုဆိုတဲ့အကြောင်းပြောတယ်။

ငါသဘောကျတာတော့ သူက လက်တွေ့ကျတယ်။ လေနဲ့ပဲပြောပြီး လေနဲ့ပဲ ပြီးသွားတာကြိုက်ပုံမရဘူး။ အဲဒီလုို လေနဲ့ထူထောင်လုို့ ငါတုို့နုိုင်ငံကြီးမွဲသွားတာပဲ။ သူက မြန်မာနုိုင်ငံသားတွေဟာ မြန်မာတွေပါလုို့ ရဲရဲဝံ့ဝံ့ ဂုဏ်ယူပြီးပြောနုိုင်စေချင်တယ်။ မြန်မာဖြစ်လုို့ မျက်နှာငယ်ရတာမျိုးမဖြစ်စေချင်ဘူး။ အဲဒါလည်း အရေးကြီးတယ်။ တစ်ချို့လည်း ကိုယ့်လူမျိုး သိက္ခာချဖုို့ မွေးလာသလုိုပဲ။ ငါကတော့ နုိုင်ငံနဲ့လူမျိုးအစွဲသိပ်မထားတော့ သိပ်တော့မခံစားရဘူး။ မသိလုို့ စည်းကမ်းမရှိတဲ့သူလည်းရှိတယ်။ တစ်ချို့လည်း လစ်ရင် လစ်သလို စည်းကမ်းဖောက်တာပဲ။ မြန်မာပြည်မှာတော့ စည်းကမ်းကိစ္စဟာ တစ်ကနေ ပြန်စပြီး ပညာပေးရမယ်ထင်တယ်။ ငါတုို့ကို ပြန်လာပြီး ပညာပေးကြပါလားမေးနေဦးမယ်ဆိုပြီး ပြောတောင်မပြောရဲတော့ဘူး။

(4)
ကလေးတွေ အဓမ္မမှု၊ တစ်ချို့လည်းသက်ငယ်မုဒိန်းမှုလုို့ရေးကြတယ်။ သက်ငယ်ဟာ ပြစ်မှုကျူးလွန်သူရဲ့အသက်ကုိုဖော်ပြတဲ့ ဥပဒေစကားပဲ။ သက်ငယ်မုဒိန်းမှုကို ဥပဒေလုိုနားလည်ရရင် ပြစ်မှုကျူးလွန်သူက အရွယ်မရောက်သေးဘူးလုို့အဓိပ္ဗာယ်ထွက်တယ်။ အဲဒါကြောင့်များ ထောင်ဒဏ်တွေနည်းကုန်တာလားတော့မသိဘူး။ ဒါကို ဆွေးနွေးတဲ့အခါမှာ ပြစ်ဒဏ်ဟာ ပြစ်မှုနဲ့ မျှတရမယ်ဆိုတာပြောတယ်။ နောက်တော့ မိဘတွေရဲ့ အခန်းကဏ္ဍကုိုပြောတယ်။ မိဘတွေက မအားကြလုို့လား။ အဲဒါဆို စီးပွားရေးပြဿနာကြောင့် ဒီလုိုဖြစ်တာလား။ ပတ်ဝန်းကျင်ကရော ဘာလုို့ မစောင့်ရှောက်တာလဲ။ အစုိုးရက ကလေးတွေအတွက် မိဘတွေအစားစောင့်ရှောက်ပေးတဲ့ ကျောင်းတွေဖွင့်ပေးဖုို့လုိုသလား ဒါတွေစဉ်းစားဖုို့လုိုတယ်လုို့ပြောတယ်။ ဒါ နုိုင်ငံရေးတော်ကီမဟုတ်ဘူးနော်။ နားထောင်နေကြလူဆုိုရင်သိတယ်။ အမေရိကန်မှာ နုိုင်ငံရေးသမားတွေ သိပ်လည်တယ်။ ခင်ဗျားစကားနှစ်ခွန်းလောက်ပြောလုိုက်ရင် သူဘာပြောလုိုက်ရင် ခင်ဗျားကျေနပ်မလဲသူသိနေပြီ။ အဲဒီအကွက်မျိုးမဟုတ်ဘူး။ သူပြောတာက ဓမ္မဓိဌာန်ကျတယ်။ မူးယစ်ဆေးကြောင့် ဒီလုိုအမှုတွေပိုဖြစ်တာလား၊ ညစ်ညမ်းစာပေ၊စာအုပ်တွေ၊ရေဒီယိုတွေ( ဒီနေရာမှာ သူက ရေဒီယုိုဆိုလို့ ငါဖြင့် အံ့သြသွားတယ်။ ငါတုို့ခေတ်မယ် sex chat တုို့၊ phone sex တို့တော့ကြားဖူးပါရဲ့ Radio porn ဖြင့် တခါမှ မကြားဖူးသေးဘူး) ကနေ ဒီလုိုမျိုးဖြစ်စေတာလား။ အဓိက အခြေခံအကြောင်းရင်းကို ရှာဖုို့လုိုတယ်လုို့ပြောတယ်။ ဒါမှန်တာပေါ့။ ဟိုတလောကပဲ malcolm gladwell ရေးတာတွေဖတ်ပြီး ဒီလုို ပြစ်ဒဏ်နဲ့ပြစ်မှု မမျှတရင် ဥပဒေကြီးပေါထွက်သွားတာ စာမြည်းလေးရေးလုိုက်သေးတယ်။ ရေခဲချောင်းလုပြေးတာ တတိယမြောက်အမှုဆုိုပြီး ထောင်၁၅ နှစ်၊ အနှစ်၂၀ ကျကုန်တာ။ ဒီကိစ္စကို အလေးအနက်ထားတယ်ဆုိုတာနဲ့တင် နောက်တစ်ခေါက်မဲပေးဖုို့ ဆုံးဖြတ်လုိုက်တယ်။ ပြည်သူ့အသံနားထောင်ရင်အစိုးရပဲ။

စင်ကာပူမှာက ပြည်ကြီးတရုတ်မုန်းကြတာရှိတယ်။ အဲဒါ မြန်မာပြည်ကို ဝင်နေတဲ့ တရုတ်ပြည်က ငွေကိစ္စကိုတစ်ယောက်မေးတယ်။ သူကတော့ရှင်းရှင်းပဲဖြေတယ်။ ဘယ်လုိုဝင်လာတဲ့ငွေလဲ၊ဘယ်လုိုမြုပ်နှံတာလဲ၊ တုိုင်းပြည်အတွက်ရော အကျိုးရှိသလားဆိုတာတွေဟာလည်း ထည့်သွင်းစဉ်းစားတဲ့အချက်တွေဆိုတာဖြေသွားတယ်။ စင်ကာပူမှာ ဝန်ကြီးအဖွဲ့မှာ စင်ကာပူကဘွဲ့ရတောင်ပါရဲ့လားငါမသိဘူး။ အများစုက အနောက်တုိုင်းမှာ ဘွဲ့အကြီးကြီးတွေ ယူလာကြတာ။ ခေတ်မကောင်းစဉ်တုန်းကတော့ ငွေခဝါချမှုတွေ အသံထွက်ခဲ့တယ်။ ခေတ်ကောင်းလာတော့ MAS ဆိုတဲ့အဖွဲ့ကြီးဖွဲ့တယ်။ အဲဒီအဖွဲ့ကြီးက ဘဏ်တုိုင်းကို လျှောက်စစ်နေတာ။ စည်းမျဉ်းနဲ့ဘယ်ဘဏ်မှမညီဘူးထင်တယ်။ ငါသိသလောက်တော့ ဘဏ်တုိုင်းနီးပါး fine အနည်းနဲ့အများဆောင်ရတာပဲ။ သူက ဘယ်လောက်အထိလုိုက်စစ်သလဲဆုိုရင် agent တွေ commission ပေးတာလည်း သူပါတယ်။ မြန်မာဟွန်ဒီတွေ ဘဏ်အကောင့်မှာ သိန်းဂဏန်းအထက် transaction တစ်လအတွင်း ဘယ်နှစ်ခါဖြစ်တယ်ဆုိုတာလည်း သူသိတယ်။ အဲဒါပေါ်မူတည်ပြီး ခေါ်မေးတယ်။ အဖြေကိုသံသယရှိရင် ဘဏ်ကိုပါစစ်တယ်။ ငွေဝင်ငွေထွက်ကို အစိုးရထက်ပုိုပြီး ဘယ်သူမှ မသိရဘူး။ စင်ကာပူရဲ့ core ဟာ အနောက်တုိုင်းပညာရှင်တွေနဲ့ အချိန်ကုန်ငွေကုန်ခံပြီး နှစ်ပေါင်းများစွာ research လုပ်ထားတဲ့ စံနစ်တွေ၊ ကျန်းမာရေးစောင့်ရှောက်မှုဆုိုရင် အခုဆို 365 ခေါ်တယ်။ လူနာတစ်ယောက်ဟာ ရောဂါရာဇဝင်ပေါ်မူတည်ပြီး၊ သူနေတဲ့ အိမ်လိပ်စာပေါ်မူတည်ပြီး အစိုးရက သင့်တဲ့ စောင့်ရှောက်မှုပေးနုိုင်အောင်လုပ်ထားတယ်။ စင်ကာပူကို ကျော်တက်ဖုို့ဆုိုတာ သူတုို့တွေရဲ့အားသာချက်ကိုလည်း သိရမယ်လုို့ငါထင်တယ်။ အချောင်မခုိုဘဲ အလုပ်ကြိုးစားတာ၊ ပိုက်ဆံမဖြုန်းတာတွေလည်း အတုယူသင့်သလုို၊ သူတုို့ရဲ့နှစ်ရှည်စီမံကိန်းတွေထဲက အလုပ်ဖြစ်တာတွေလည်း ယူနုိုင်တာပဲ။ တကယ်တတ်တဲ့သူတွေကို ပိုက်ဆံပေးပြီး ရေးဆွဲတဲ့ စီမံကိန်းတွေဟာ သိပ်စိတ်ကူးယဉ်မဆန်လွန်းရင် ကောင်းတာများတတ်ပါတယ်။

မြန်မာတစ်ယောက် အင်္ဂလိပ်လိုရေးပြီးမေးတာကို မြန်မာချင်း မြန်မာလိုပြောတာပဲအားရတယ်လုို့ပြောတယ်။ အဲဒါ ရယ်ရတယ်။

နောက်တစ်ခုကတော့ ငါလည်း ပြောချင်နေတဲ့ အစိုးရမီဒီယာအားနည်းချက်။ အဲဒါလည်းပြောသွားတယ်။ အရေးကြီးတဲ့ သတင်းတွေ အင်္ဂလိပ်လို မြန်မြန်တက်မလာတာ အစိုးရ မီဒီယာမှာ အင်္ဂလိပ်စာ တတ်ကျွမ်းတဲ့သူ သိပ်မလုံလောက်လုို့တဲ့။ ငါလည်းသိပ်မပြောတော့ဘူး၊ စိတ်ကူးတယ်။ အင်္ဂလိပ်လုိုရေးတတ်တဲ့သူတွေကလည်း သူ့ထမင်းသူရှာစားနေတာနဲ့ မရေးနုိုင်သေးဘူးဖြစ်နေ၊ သတင်းမှားဖြန့်တဲ့သူတွေကတော့ အင်္ဂလိပ်လုိုကောင်းကောင်းတတ်တယ်။ ဘင်္ဂလီကလေးတောင်မှာ ရခုိုင်တွေ အဓမ္မကျင့်သတ်ဖြတ်တာ ရပ်လုို့ အင်္ဂလိပ်လုိုရေးထားတဲ့ဆုိုင်းဘုတ်လေးကိုင်ထားတာတွေ့တယ်။ ငါတုို့မြန်မာတွေ အဲဒီကလေးလောက် အင်္ဂလိပ်လုိုတတ်ရင် ခက်ဦးမယ်။

နိုင်ငံကြီးရွေ့အောင်တွန်းဖုို့ ခေါင်းဆောင်ကောင်းတော့ရှိတယ်။ ကျန်တာတွေက သိပ်သုံးလုို့မရဘူးလုို့ ငါထင်တယ်။ ပြည်သူတစ်ရပ်လုံး ပူးပေါင်းပါဝင်ဖုို့လိုတာကုို ဒေါ်အောင်ဆန်းစုကြည်ကပြောသွားတယ်။ ဒါပေမယ့်ခက်တာက ပြည်သူက ဘယ်လုို ပါရမှန်းမသိတာ။ ပြည်သူဆုိုတာ ညီညွတ်စရာရှိရင် ညီညွတ်တာပဲ။ လာဟေ့ ရပ်ကွက်ထဲ အမှိုက်ကောက်ကြစို့ဆုိုရင် ပေါ်မလာဘူး။ တရားပွဲသွားကြအောင်ဆုိုရင် ဗုိုက်အောင့်သလိုလုိုဖြစ်ကုန်ရော၊ ဘောလုံးကွင်းမှာ စတိတ်ရှိုးခေါ်တဲ့ concert လေးများရှိတယ်ဆုိုရင် အဘွားကနေ မြေးအထိရောက်လာရော၊ ညီညွတ်စရာရှိရင် ညီညွတ်ကြတာပြောပါတယ်။ ဆိုလုိုတာက ပြည်သူတွေ ဘယ်နေရာတွေမှာ ဘယ်လုိုလေး လုပ်ကြပါလောက်တော့ အစိုးရကထုတ်ပြောဖုို့လုိုတယ်။ တစ်ချို့က မသိလုို့မလုပ်တာ၊ လုပ်ပါဆုိုရင် လုပ်ကြမှာ။ အဲဒီလုို လုပ်ရင် အစိုးရ ငွေကုန်သက်သာတာပေါ့။ ရပ်ကွက်ထဲမှာ သူခိုးရှိရင် ဖမ်းပြီး ရဲစခန်းပို့ပေးကြပါဆုိုရင် ရဲတွေလည်း အနားရတာပေါ့။ အဲဒါမျိုးတော့ ဘယ်ဖြစ်လိမ့်မတုန်း။ ရဲတွေလည်း ဓားနဲ့ထုိုးလုို့ သေသေကုန်တာ ငါစိတ်မကောင်းဘူး။ ငါ့အသိရဲဆုိုရင် ကွန်မန်ဒုိုလုိုပဲ။ ဓားနဲ့နှစ်ယောက်လောက်ကို လက်နက်မဲ့ ဖမ်းနုိုင်တယ်။ ရဲအလုပ်က အန္တရာယ်များတယ်ဆုိုတာသိလုို့ကုိုယ်ခံပညာ ကောင်းကောင်းသင်ထားတာ။ အဲဒီလုိုဖြစ်ရမှာပေါ့။ အနားကပ်လာရင် ပစ်တန်ပစ်ပေါ့။ လက်နက်စုံရမယ်လေ။ ကျဉ်စက်မရှိရင် အစိုးရက ဝယ်ပေးပေါ့။ ဝယ်ပေးတဲ့ ကျဉ်စက်နဲ့ ပြည့်တန်စာပဲ ဖမ်းဖမ်းနေရင်တော့ ခက်ကုန်တာပဲ။ ကားလုိုပေါ့။ မင်း ပိုိုက်ဆံရှိတယ်ဆုိုပြီး အမေရိကန်မာဆယ် ဝယ်ပြီး ဘီးမတပ်ဘဲမောင်းကြည့်ပါလား ဘယ်သွားမလဲ၊ အဲဒီလုိုပဲ ခေါင်းဆောင်ကောင်းတယ် အသာလေးဘီးဖြုတ်ပြီးလုိုက်မယ်ဆုိုတဲ့သူတွေ ဒီလောက်များတာ ဘယ်သိပ်ရွေ့မလဲ။ ခေါင်းဆောင်လဲ မောမှာပဲလုို့ ငါတွေးမိတယ်။ ကာကွယ်ရေးအင်အားစုလည်း လုံလောက်ရမယ်။ လက်နက်လည်း တပ်ဆင်ပေးရမယ်။ ရဲတစ်ယောက်ကို ဓားနဲ့ထုိုးသတ်တယ်ဆုိုတာမျိုးငါ မကြားချင်ဘူး။ အခုဖြစ်နေတဲ့အမှုတွေက ချောင်ကလောင်မှာဖြစ်နေတာမဟုတ်ဘူး။ မြို့လယ်မှာဖြစ်နေတာတွေ၊ အဲဒါ မြို့တော်မှာ ကာကွယ်ရေးမလုံလောက်တော့ဘူးဆုိုတာကိုပြနေတာပဲ။ နိုင်ငံတော်အကြံပေးဟာ ဒီလုိုကိစ္စတွေအထိ သူဆင်းလုပ်စရာမလုိုဘူး။ ရဲအဖွဲ့နဲ့ ဝန်ကြီးတွေ တုိုင်ပင်ပြီးလုပ်ရမှာ။ နေရာတကာ သူချည်းပဲ ဝင်လုပ်နေရရင် ပိုအရေးကြီးတဲ့နေရာတွေမှာ လစ်ဟင်းကုန်နုိုင်တယ်။ စင်ကာပူက ဥာဏ်ကောင်းတဲ့သူတွေလည်း ပြန်သွားရင် ကိုယ့်အလုပ်ပဲကုိုယ်လုပ်နေတာတွေ့တယ်။ ဆရာအောင်သင်းလုို ပြောကြ၊ဟောကြမှပေါ့။

ငါ့အလုပ်ကတော့ လူကောင်း၊လူတော်တွေ အလုပ်လုပ်တာ ချောမွေ့အောင်ကူညီဖုို့ပဲ။ စာရေးတတ်လုို့ စာရေးပြီးကူတာပေါ့။ အဲဒါ ငါလုပ်နေတဲ့အလုပ်ပဲ။ လေနဲ့ပွားတာပေါ့။ ဒီအတွေးအခေါ်ရသွားတဲ့သူတွေများလာရင် အချောင်သမားနည်းသွားတာပေါ့။ အသိုင်းအဝန်းကို စောင့်ရှောက်မယ့်သူများလာတာပေါ့။ အဲဒီလုိုနဲ့ လူကောင်းတွေက အစိုးရကောင်းတည်မြဲဖုို့ကြိုးစားမှ ငါတုို့နုိုင်ငံလည်း ထိပ်တန်းအမြန်ဆုံးပြန်ရောက်မှာပေါ့။

(5)
နောက်တစ်ခုက နုိုင်ငံခြားကနေ ဘွဲ့ရလာကြတဲ့သူတွေဟာ တက္ကသိုလ်မှာ ဆရာလုပ်လုို့ရမရမေးတယ်။ အဲဒါနောက်ပိုင်းမှာလုပ်မယ်ပြောတယ်။ တက္ကသိုလ်က ဆရာကို ကိုယ့်ဟာကိုယ်ရွေးချယ်ခေါ်နုိုင်တယ်။ အဲဒါအေးတာပဲ။  ပညာရေးမြှင့်တင်ဖုို့ဆုိုတာ တော်တော်သတ္တိရှိမှရမှာလေ။ ကျောင်းတက်တာကို လုပ်သက်ထဲထည့်တဲ့စံနစ်တုို့၊ သနားပါတယ် အအောင်ပေးလုိုက်ပါတုို့ဆုိုတာ မလုပ်ကောင်းတဲ့စံနစ်တွေ၊ မလုပ်ကောင်းဘူးဆုိုပေမယ့် လုပ်ခဲ့ပြီးပြီဆုိုတော့ ရာထူးပေးတဲ့အခါ ခက်ကုန်ရော၊ ဒါပေမယ့် ဒေါ်အောင်ဆန်းစုကြည်ကတော့ ရှင်းရှင်းပဲ လုပ်နုိုင်တဲ့နေရာကနေလုပ်ကြပါ။ ကျောင်းမှာစာမသင်ရလည်း ပညာဖြန့်ဝေလုို့ရတာတွေ အများကြီးရှိပါတယ်လုို့ပြောတယ်။ ကျောင်းကနေ ပညာဖြန့်ချင်၊ တက္ကသိုလ် ဆရာလုပ်ချင်တဲ့သူတွေအတွက်တော့ လွယ်ချင်မှလွယ်မယ်ထင်တယ်။

အနှစ်ချုပ်ရရင်တော့ ကိုယ်စွမ်းတဲ့နေရာကိုယ်လုပ်ဖုို့ သမုိုင်းကြောင်းတစ်လျှောက်မှာ နုိုင်ငံသားတွေ အတူဝိုင်းကြိုးစားကြပြီး မအောင်မမြင်ဖြစ်ခဲ့တယ်ဆုိုတာ မရှိဘူးဆုိုတာလေးနဲ့ အားတင်းကြိုးစားကြဖုို့၊ စည်းကမ်းရှိပြီး ဝီရိယကောင်းကြဖုို့၊ ခက်တာတွေကိုမကြောက်ကြဖုို့၊ အချင်းချင်း ညီညွတ်ကြဖို့တွေပြောသွားပါတယ်။

နုိုင်ငံရေးသမားတစ်ယောက်အနေနဲ့မဟုတ်ဘဲ ဒီအသက်အရွယ်ကြီးနဲ့ ကိုယ့်နုိုင်ငံအတွက် ဒီလောက်လုပ်နေတဲ့အမျိုးသမီးကြီးတစ်ယောက်အနေနဲ့တောင် လေးစားမိပါတယ်။
ကျန်တဲ့အစုိုးရအဖွဲ့ဝင်တွေလည်း အစွမ်းအစပြကြပါဦးလုို့ တုိုက်တွန်းရင်း နိဂုံးချုပ်ပါတယ်။

Regards,
Zephyr




Peace B with U.

Saturday, October 29, 2016

ဆောင်းခိုငှက်များ

ဘူမာရင်းဟာ ငါ့ဆီကနေ ဘယ်တော့မှ ထွက်ခွာမသွားဘူး။ တေးသံတွေတိတ်သွားရင် .. ပန်းပွင့်ကြွေသံကိုကြားရလိမ့်မယ်။ တစ်ချို့အမှားတွေက ပြင်ခွင့်မရလိုက်ဘူး။ အဝေးကြီးသွားခါနီးမှ ခရီးဟာ လိပ် သွားခဲ့တယ်။ ငှက်တစ်ကောင်လို ဘာရယ်မဟုတ် သစ်ပင်ထဲမှာ ပုန်းခိုနေလိုက်တယ်။ ခွန်အားဟာ မြှားတံရဲ့ထိပ်ဖူးမှာမဟုတ်ဘဲ နောက်မြီးစွန်းလေးမှာပါဝင်နေခဲ့တယ်။ ရာကိုလို့ အမည်ရတဲ့ ကြက်တူရွေးလေးဟာ ရာကို၊ မားမား၊ ဂွတ်ဘော့(အီ) စတာတွေကို ပီပီသသပြောတတ်ပေမယ့် ပျံထွက်သွားတယ်။ ကော်ဖီတစ်ခွက်ဟာ အပူရှိန်ပေါ်မူတည်ပြီး ခါးသက်လာတယ်။ လောကနဲ့ယှဉ်ရင် လောကဓံက အလေးသာတယ်။ မနက်ဖြန်တွေမှာ မနက်ဖြန်မပါတော့ဘူး။ သုတ္တံကျမ်းဟာ ဆုံးမလွန်းသလိုရှိနေခဲ့ပြီး .... ဆာလံကျမ်းကသာ သီချင်းသံပိုမြည်တယ်။ သေမင်း၏ အရိပ်လွှမ်းမိုးသော ချိုင့်ထဲသို့ လျှောက်သွားရသော်လည်း ဘေးအန္တရာယ်ကို မကြောက်ပါတဲ့။ ချစ်ခြင်းမှာ အပြစ်ကင်းစွာ။ အနည်တွေအများကြီးသာ တည်ငြိမ်သွားပေမယ့် မုန်တိုင်းကတော့တည်ငြိမ်တဲ့နောက်ပျောက်ကွယ်သွားရတာပဲ။ ရေနွေးစီးကြောင်းနောက်လုိုက်သွားမိတဲ့ ငါးတစ်ကောင်လိုပါပဲ၊ တိမ်တွေကုိုဆွတ်ယူဖို့ လက်တွေနှင်းပွင့်မိုးသားလိုဖြူ၊ အမှိုက်သိမ်းကားဟာ သူမသိမ်းနိုင်တဲ့ အမှိုက်တွေ မြို့ပြမှာ ကျန်ရစ်ခဲ့မှန်း နှစ်ပေါင်းအတော်ကြာမှ ရိပ်မိလာခဲ့တယ်။ ဒါ ငါတို့ခေတ်ရဲ့တန်ရာတန်ကြေးဆိုပါတော့။ ဘယ်အချိန်အထိ လွင့်ပျံသွားမယ်မသိတဲ့ကြေးစည်သံ .... ချမ်းသာလေးမျိုးထဲမှာ စတုတ္ထက အပြစ်ကင်းချမ်းသာ ... အဲဒီအထိ လှော်ခတ်ကြရလိမ့်မယ်။ ဘဝဟာ ရှည်လျားသော ဇာတ်လမ်းတွဲဖြစ်တဲ့အတွက် ဇာတ်လမ်းငယ်တစ်ပုိုင်းရဲ့ အဆုံးသတ်ဟာ နောက်ထပ်ဇာတ်လမ်းတစ်ခုရဲ့အစလည်းဖြစ်သွားနိုင်သေးတယ်။ ဆောင်းဟာထင်တာထက်အေးခဲပြီး ... မှောင်မိုက်လွန်းတယ်။ ဇီဝနာရီများဟာ တစ်ခါတစ်ခါ ပြင်ရင်ခက်လွန်းတယ်။ မျက်ရည်များဟာ အလည်လွန်နေတတ်ပေမယ့် အချိန်မီ ပြန်လည်ရောက်လာဖို့အသင့်ရှိနေကြတယ်။ စိတ်ကောင်းရှိတဲ့ လူတစ်ယောက် လျော့သွားတော့ ကမ္ဘာကြီးအထီးကျန်တာပေါ့။ ကမ္ဘာကြီးဆီက လိပ်ပြာတွေ ပြန်ထွက်သွားတဲ့နေ့၊ ပန်းပွင့်တွေ အေးခဲသွားတဲ့နေ့ ၊ ရွှေဝိညာဉ်ခြံကြီးကုို ကျေးငှက်တို့ စွန့်ခွာသွားတဲ့နေ့ဆိုတာ ဒီနေ့ပဲထင်ပါရဲ့။ ကျွန်တော်တို့ဟာ အဆင်သင့်မဖြစ်ခဲ့မှုပေါင်းများစွာရှိခဲ့ပါလျှက် ချစ်ခင်သူများနှင့် ခွဲခွာရန် မည်သည့်အခါမှ အဆင်သင့်မဖြစ်ခဲ့ခြင်းကို အထူးအလေးအနက်ခံစားနာကျင်ကြရပါတယ်။ ယာယီရှင်သန်မှုတွေဆိုပေမယ့် ချစ်ခြင်းတရားနဲ့သယ်ဆောင်သွားမယ့်အမှတ်တရနွေးထွေးမှုများကတော့ သံသရာအဆက်ဆက်ပါသွားဦးမှာပါပဲ။ ကျန်ရစ်သူတွေဟာ ..... ဘယ်တုန်းကမှ အသင့်မဖြစ်ခဲ့သလို ... ဘယ်တော့မှလည်း အသင့်ဖြစ်နေမှာမဟုတ်ဘူး။ ရှေ့ကနေသွားသူနဲ့နောက်ကနေလိုက်ကြရမယ့်သူတွေ၊ တစ်ယောက်ကုို တစ်ယောက်က အားပေးရင်း၊ တစ်ယောက်လက်ကို တစ်ယောက်တွဲထားလိုက်ကြတယ်။ ဒီသံသရာဟာ ထင်တာထက် ရှည်လျားတယ်။ လောကနဲ့ယှဉ်ရင် လောကဓံက အလေးသာတယ်။ ပန်းပွင့်တွေနဲ့ လိပ်ပြာတွေ ထွက်ခွာသွားနဲ့နောက်မှာ ဥယျာဉ်တစ်ခုဟာ ရင်ပွင့်ကျန်ခဲ့ရတာပါပဲ။


RIP ညီလေး။

 ==========================

Uncle ငြိမ်း (ငြိမ်းအေးအိမ်)ရဲ့သား နိုင်ငံငြိမ်းအေး ၂၂ နှစ် ဆုံးသွားတယ်။ ၂၀၁၆ မှာ စိတ်ထိခိုက်စရာ ဒီတစ်ခုပဲရှိတယ်။ Blog ပြန်လာဖတ်ရင်း စာပြန်ရေးဖို့ အချိန်ရောက်ပြီလို့ ခံစားရတာနဲ့ နိုင်ငံ့အတွက် ရေးထားတာလေးတင်လိုက်တယ်။ တစ်နှစ်ကျော်အတွင်းမှာ ကျွန်တော်တို့ဟာ ကျွန်တော်တို့ရှာဖွေခဲ့တာတွေပိုမိုရရှိခဲ့ကြတယ်။ အရင်က မထင်ထားခဲ့တဲ့ နိုင်ငံရေးအပြောင်းအလဲတွေလည်းဖြစ်တယ်။ ကမ္ဘာကြီးလည်း ခက်ခဲမြဲခက်ခဲတယ်။ ခက်နေတဲ့ ကမ္ဘာကြီးမှာ လူဟာ ပျော်အောင်၊စိတ်ချမ်းသာအောင်၊ ငြိမ်းချမ်းအောင်နေကြရတာပါပဲ။ လူငယ်လေးတစ်ယောက် သူ့မိသားစုထဲကနေ ရုတ်ချည်းထွက်ခွာသွားတာ အင်မတန် သံဝေဂရစရာကောင်းတယ်။ အခုဆို facebook account ထဲမှာ သွားလေသူ နှစ်ယောက်ဖြစ်သွားပြီ။ ကိုညီသစ်နဲ့နိုင်ငံ။ ဂီတကိုချစ်တဲ့သူတွေ။

ပထမဆုံး တင်ဖြစ်တဲ့ ပို့စ်ဟာ ကြေကွဲခြင်းဖြစ်နေတာတော့လည်း မတတ်နိုင်ဘူး။ ဒါဟာလည်း လောကဓံနဲ့လူတို့ရဲ့ ထိခတ်မိခြင်းသံစဉ်တစ်ခုပဲ။ ပန်းပွင့်တွေဟာ မုန်တိုင်းထဲမှာလည်းပွင့်နေတာပါပဲ။ နားစွင့်ထောင်ကြည့်လိုက်တိုင်း သေခြင်းတရားဟာ အနားမှာ အမြဲရှိနေမှန်း ရိပ်မိလာတယ်။ ကျွန်တော်တို့ ၂၂ နှစ်တုန်းက ကျောင်းသွားတော့ ဟိုင်းလပ်စ်ခေါင်းမိုးပေါ်မှာ သူငယ်ချင်းတွေနဲ့ လက်ချင်းတွဲပြီး စီးခဲ့ဖူးတယ်။ လူငယ်တွေမှာ အိမ်မက်တွေရှိခဲ့ကြပြီး ... သူတို့ကမ္ဘာဟာ အမြဲတောက်ပနေခဲ့ကြတယ်။ အခုတော့ လူကြီးတွေဖြစ်လာပြီဆိုတော့ လူငယ်တွေရဲ့ အနာဂတ်အတွက် ကိုယ့်မှာ တာဝန်ရှိတယ်လို့ ခံစားရတယ်။ သူတို့တွေရဲ့ စိတ်ကူးလေးတွေ၊ အားမာန်တွေနဲ့ ယုံကြည်ချက်တွေ ဆက်လက်မြင့်မားနေဖို့ ၊ ကမ္ဘာကြီးကို ကောင်းစေချင်တဲ့ လူငယ်လေးတွေအတွက် အချိန်နည်းနည်းပိုပေးသင့်တယ်လို့ မြင်လာတယ်။ လူငယ်တွေအတွက် လုံခြုံနွေးထွေးပြီး မေတ္တာတရားရှိတဲ့ အသိုင်းအဝန်းတစ်ခုရှိမယ်ဆိုရင် သူတို့တွေရဲ့ဘဝတွေ အများကြီးပိုလွယ်ကူမယ်လို့ ကျွန်တော်ထင်တယ်။

ရေးထားတာတွေ နောက်နေ့မှပဲ တင်လိုက်ပါဦးမယ်။

 Zephyr



Peace B with U.