Saturday, August 30, 2014

ရှေ့ဖြစ်ဟောပုံပြင်

ရှေ့ဖြစ်ဟောပုံပြင်


သေနတ်ပစ်တမ်း ကစားခဲ့တဲ့အရွယ်က ဒိုင်းဒုိုင်း မင်းသေသွားပြီ ... ဆိုတဲ့စကားလုံး တစ်ခုဟာ စိတ်ထဲပြန်ရောက်လာတယ်။ ကျည်ဆံမပါတဲ့ သေနတ်နဲ့ သေအောင်ပစ်ခဲ့ကြတာ အမှတ်တရပါပဲ။

ကောင်းကင်မှာ မမြင်ရတဲ့ အပြာရောင်ရှိတယ်။ ကြယ်လေးတွေရှိတယ်။ အားကောင်းတဲ့မှန်ဘီလူးမပါဘဲမမြင်နုိုင်တဲ့ အလှတရားတွေရှိတယ်။ မြေကြီးဟာ နီးလွန်းတဲ့ အလှတရားဖြစ်ပြီး ကောင်းကင်ကတော့ အပြာရောင်လှည့်စားချက်ကို ကျော်လုိုက်ရင် ရိုးရှင်းတဲ့ ကြယ်စုတွေအထိ လွတ်လပ်ပျော်ပါးလုို့ရတဲ့ ကစားကွင်းတစ်ခု။

ကြယ်စုတွေ၊အထီးကျန်မှုတွေ မှုန်ဝါးသွားအောင် ကြွေဆင်းနေတဲ့ ကြယ်တာရာတွေ။ အဲဒီ ကြယ်တာရာတွေ၊ ဥက္ကာခဲတွေရဲ့အစိတ်အပိုင်းတစ်ခုအဖြစ် ကျကျန်ရစ်တဲ့လူသား အစအနတစ်ခုဟာ သူ့မူရင်းဘဝကို ပြန်ငေးကြည့်တယ်။ အင်မတန်တောက်ပတယ်။ အင်မတန်လှပတယ်။ မှုန်ဝါးဝါး ဂြိုဟ်အဖွဲ့အစည်းတစ်ခုထဲမှာ ပြုတ်ကျခဲ့ရပေမယ့် မူရင်းဘဝဟာ အင်မတန်လှတယ်။ စကြဝဠာအဖွဲ့အစည်းဟာ အလင်းတစ်ခုနဲ့တစ်ခု ဘယ်တော့မှ စွန့်ပစ်လေ့မရှိကြဘူး။

လူဟာ မူရင်းပြည့်စုံမှုဆီကို ပြန်သွားဖုို့ကြိုးစားကြတယ်။ နည်းမျိုးစုံနဲ့။ အလုပ်အကိုင်တွေဟာ လူရဲ့ဖြစ်တည်မှုကို ပြောင်းလဲပြဌာန်းဖုို့ကြိုးစားတယ်။ ကမ္ဘာကြီးဟာ စာပုို့သမား သိပ်များများမလိုတော့ဘူး လေယာဉ်မယ်တွေ သိပ်များများမလိုတော့ဘူး။ စာနယ်ဇင်းသမားတွေ သိပ်များများမလုိုတော့ဘူး။ သစ်ခုတ်သမားတွေ သိပ်မလိုတော့ဘူး။ ကမ္ဘာကြီးရဲ့ပြောင်းလဲလာမှုဟာ စက်တွေကို အသားပေးလာတယ်။ အုိုင်တီရဲ့ဖြစ်ထွန်းမှုဟာ စက္ကူသတင်းတွေကို လျော့ပါးသွားစေတယ်။ လေယာဉ်လုပ်ငန်းရဲ့ ကျဆင်းမှုဟာ လေယာဉ်မယ်တွေကို ထုိုင်ခုံပိုမပေးဖုို့ တွန်းပို့တယ်။ စာအိတ်ထဲ စာတစ်စောင်ရေးထည့်ပြီး တံဆိပ်ခေါင်းကပ်ရတဲ့အရသာကို ကမ္ဘာသစ်က လူသားတွေ နားမလည်ကြတော့ဘူး။ အရာရာပြောင်းလဲကုန်ပြီ။ ရန်ကုန်စာတုိုက်ကြီးရှေ့က လှည်းနဲ့ရောင်းတဲ့ အပေါစားမုန့်ဟင်းခါးဆိုင်မှာထုိုင်ရင်း ဘဝရဲ့ပြောင်းလဲလာမှုတွေကို ငေးကြည့်နေတယ်။ စာလုံးတွေကုို စီပြီးစာလေးတစ်ကြောင်းဖြစ်အောင်ရေးရတဲ့ ကိစ္စဟာ အနုပညာမဟုတ်တော့ဘူးထင်လာတယ်။ သိမ်မွေ့မှုတွေကလည်း လျှင်မြန်တဲ့ပြောင်းလဲမှုဘက်ကို အာရုံကျလာကြတယ်။ မူရင်းကနေ မူကွဲဆီရွေ့လျားသွားကြတယ်။ 

ပန်းဆိုးတန်းဘက်ကို လျှောက်လာတော့ စာအုပ်ဆုိုင်သေဆုံးမှုနဲ့ပက်ပင်းတုိုးတယ်။ အုပ်ငါးရာကြိုးတန်းကို မခုန်နုိုင်တဲ့ ကဗျာစာအုပ်ဆိုတဲ့ ငနဲက အသည်းအကွဲဆုံး။ ကမ္ဘာကြီးက ကဗျာကို မလိုအပ်တော့ဘူးဆိုတာကို တစ်အုပ်တည်း ကြိတ်သဘောပေါက်နေတဲ့အထာနဲ့ ကဗျာစာအုပ်ဟာ အလုံခြုံဆုံးချောင်မှာ အတိတ်ဆိတ်ဆုံးငြိမ်နေတော့တာပါပဲ။ 

ဆက်လျှောက်ရင်း ဆူးလေကိုရောက်တယ်။ ဒီစေတီကို သူငယ်ချင်းရဲ့ အဘိုးနဲ့အမြဲရောက်ခဲ့တယ်။ အရင်က ပါကစ္စတန်ကို ဂန္ဓာရတုိုင်းလုို့ခေါ်တယ်။ အဲဒီတုိုင်းကလူတွေ တတ်တဲ့အတတ်ကို ဂန္ဓာရီအတတ်လို့ခေါ်တယ်။ အဘိုးက အဲဒီပါကစ်စတန်အတတ်တွေအတွက် ဆူးလေစေတီကို မကြာမကြာသွားတယ်။ ဘာကြောင့် ပါကစ္စတန်မသွားသလဲတော့ ကျနော်လည်း နားမလည်နိုင်ဘူး။ မြန်မာပြည်မှာ စေတီအများစုကို အဝိုင်းဗဟိုပြုတည်ကြပေမယ့် ဆူးလေစေတီကိုတော့ ရှစ်ထောင့်ပုံတည်ခဲ့တယ်။ အရင်က ကျိုက်အသုတ်လုို့ခေါ်တယ်။ အခုလည်း လက်ဖက်သုပ်ကြိုက်တဲ့သူတွေ ဒေါ်ရိတ်ကြီးမှာ စားဖို့ရောက်ရင်း ဘုရားပေါ်တက်ကြလို့ဒီလိုခေါ်တာလားဆိုတော့ အဘိုးက မျက်ထောင့်နီကြီးနဲ့ကြည့်ခဲ့သေးတယ်။

ရှစ်ထောင့်တွေ၊ ခြောက်ထောင့်တွေဟာ ဂြိုဟ်သားတွေရဲ့မူပိုင်အမှတ်အသားပဲ။ ပန်းရံသမားညီအစ်ကိုတွေ မြန်မာပြည်ရောက်လာတော့ လက်ရာနည်းနည်းစီပြောင်းဖို့ကြိုးစားကြတယ်။ နောက်ပိုင်းခေတ်တွေမှာ တည်တဲ့မဟာဝိဇယရဲ့ အကြံပေးတစ်ယောက်ယောက်ဟာလည်း ကြီးမြတ်တဲ့ ပန်းရံဆရာတစ်ယောက်ဖြစ်မယ်လို့ အဘိုးကပြောဖူးတယ်။ ကျနော်တော့ မယုံဘူး။ လေးဆူနတ်ကြီးက ဆူးလေးဘိုးဘိုးကြီးဖြစ်လာတာတွေကလည်း ရယ်စရာ ယုံတမ်းဆန်လွန်းတယ်။ ရွှေဝါရောင်တော်လှန်ရေးတုန်းက သာသနာကိုစောင့်ရှောက်တဲ့နတ်တွေ ဆူးလေပေါ်တက်ပြေးရတာ အဖိုးမှ မမြင်သွားရှာတာလုို့ပဲ နှလုံးသွင်းမိတော့တယ်။

ရန်ကုန်ဟာ ကျနော့်ရဲ့အိမ်ပဲ။ ပလက်ဖောင်းအကွက်လေးတွေကို တစ်စတုရန်းလက်မစီ တိုင်းတာပြီး စီစစ်ကြည့်ရင် ကျနော့်ခြေရာတွေရှိတယ်။ ရှိခဲ့လိမ့်မယ်။ ရန်ကုန်ရဲ့ လက်ဖက်ရည်ဆိုင်တိုင်းမှာ သောက်ခဲ့တဲ့ လက်ဖက်ရည်ဟာ ပင်လယ်ခုနစ်စင်းစာလောက်။ အဓိပ္ဗာယ်မရှိတဲ့သင်တန်းတွေနဲ့ဘဝရဲ့ တစ်ဝက်ကို အဲဒီလိုပဲဖြုန်းလိုက်တယ်။ အခုအထိလည်း ဒါကိုကျေနပ်နေမိတုန်း။ စေတီတိုင်းရဲ့ ရေမသန့်တဲ့ ငါးကန်တွေ ကိစ္စကို စိတ်ဝင်စားနေတုန်း။ အောက်ဆီဂျင်မရှိတဲ့ရေထဲ ငါးလွှတ်လို့ ကုသိုလ်ရမယ်ထင်တဲ့သူတွေကို နားရင်းအုပ်ရတဲ့အလုပ်မျိုးရှိရင် အခုအထိ လခနည်းနည်းနဲ့လုပ်ပေးနိုင်သေးတယ်။ မင်္ဂလာဒုံက ကျိုက္ကလို့၊ ကျိုက္ကလော့အထိသွားတယ်။ စုစုပေါင်း စေတီသုံးခုလောက်ပဲ ငါးကန်ကောင်းကောင်းရှိတယ်။ ငါးတွေမလွှတ်ခင် ငါးကန်တွေ အရင် ပြင်သင့်တယ်။ အဲဒါ ကျနော့်ဘဝရဲ့အမြင်ပဲ။

ရေတွေကို ပုပ်အောင်မလုပ်ရဘူး။ ရေလဲရတယ်။ ရေထဲအောက်ဆီဂျင်ရအောင် ရေပန်းနဲ့ ရေသန့်စက်ရှိရတယ်။ လိပ်နဲ့ငါးတွဲမထားသင့်ဘူး။ တစ်ချို့ငါးက လိပ်ကို ကိုက်တယ်။ ငါးပေါက်လေးတွေကို စားတယ်။ ကုသိုလ်ယူတယ်ဆိုတာ အထင်နဲ့မလုပ်သင့်ဘူး။ လိပ်စာကျွေးတယ်ဆိုတဲ့ဆေးဆိုးပေါက်ပေါက်ဟာ လိပ်ကို ကင်ဆာဖြစ်စေနိုင်တယ်ဆိုရင် မကျွေးသင့်ဘူး။ ရန်ကုန်မှာတုန်းကတော့ ကျနော်တို့ဟာ အရူးတွေလိုပဲ။ လူတကာ လစ်လျူရှုတာတွေမှာ လေးနက်ရင်း ပိုက်ဆံမရှိတဲ့ ဘဝကို အသာလေး ဖြတ်ကျော်ခဲ့ကြတယ်။ ရန်ကုန်ဟာ အရူးတွေ အများကြီးလိုသေးတယ်။ အရူးတွေမှလည်း ကိုယ့်အလုပ်ကိုယ်မလုပ်ဘဲကြီးတော်နွားကျောင်းမှာမဟုတ်လား။

ကိုယ့်ဘဝကိုယ် ကျော်ကြည့်၊ရစ်ကြည့်လို့ရရင် ခဏလေးအတွင်းမှာ အဖြစ်အပျက်တွေ အများကြီး ဖြစ်သွားတာကို ဘာမှမဟုတ်သလို ပိုနေနိုင်မယ်ထင်တယ်။ ဖြစ်ပြီးတာတွေလည်း ပျက်မယ်။ ပျက်ပြီးတာတွေလည်း ပြန်ဖြစ်ဦးမယ်။ အကောင်းလောကဓံလည်းကြုံရမယ်။ အဆိုးလောကဓံလည်းကြုံရမယ်။ ဝမ်းသာဝမ်းနည်း နည်းသထက် နည်းအောင်နေကြရမယ်။ ချစ်တဲ့သူတွေနဲ့လည်း ကွဲရဦးမယ်။ မချစ်တဲ့သူတွေနဲ့လည်း ကွဲရဦးမှာပဲ။ ကိုယ်တတ်နိုင်တာတွေမဟုတ်ဘူး။ လောကရဲ့ဓမ္မဟာ ဒီအတိုင်းပဲ။ လောကထဲရောက်လာပြီးမှတော့ ကြေးများနေလို့မရဘူး။ ဘားတစ်ခုထဲရောက်လာရင် ရှိတဲ့တံဆိပ်ပဲမှာလို့ရမယ်။ မမှာချင်ဘူးဆိုရင် ဒီဘားကထွက်ပြီး ရှေ့ဘားဆီ ဆက်သွား။ ဘဝဟာ အဲဒါပဲ။

ခေါင်းလောင်းဆယ်နေတဲ့သူတွေကို နှစ်ရာနဲ့သွားကြည့်ကြရအောင်ဆိုတော့ ဇနီးသည်က အံ့သြသလိုကြည့်သလိုကြည့်တယ်။ ဒါမျိုးတွေမလုပ်တော့ဘူးလို့ သူထင်ပုံရတယ်။ နဂါးလည်းဖူးရတာပေါ့ဆိုမှ သူ ရယ်တော့တယ်။ မြွေကလေးတွေ ချစ်လို့မွေးထားဖူးတယ်။ မြွေကလေးတွေကို ကန်တော့ရမယ်လို့ တစ်ခါမှ မတွေးမိဘူး။ မြန်မာပြည်က ယုံကြည်မှုလွန်ကဲချက်မျိုးနဲ့ဆို ဘုရားတောင်မှ အသစ်ပွင့်နိုင်သေးတယ်ထင်မိတယ်။ နောက်လိုက်များလာရင် ဘုရားဖြစ်တာပဲ။ အိန္ဒိယမှာဆို နှစ်နှစ် တစ်ပါးလောက်ကို ပွင့်တာပဲ။ တစ်ချို့တွေကတော့ လူကြိုက်သိပ်မများဘူး။ တစ်ချို့ဘာသာတွေရဲ့ လူလိမ်ဟာ တစ်ချို့ဘာသာတွေရဲ့ဘုရားပဲ။ တစ်ချို့ဘာသာတွေရဲ့ အန္ဓဟာ တစ်ချို့ဘာသာတွေရဲ့ဘုရားပဲ။ အပြန်အလှန်အထင်သေးကြတာပဲ။ တစ်ချို့ ဘာသာတွေရဲ့မဂ်ဖိုလ်မနီး၊ အချည်းနီးဟာ၊ တစ်ချို့ဘာသာတွေမှာ တရားရပြီးသားသူတွေပဲ။ ပျော်စရာကောင်းပါတယ်။ ဘောလုံးသမားတွေနဲ့ဘတ်စ်ကတ်ဘောသမားတွေလို ကိုယ့်ကွင်းမှာ ကိုယ်ချန်ပီယံပေါ့။ ကစားနည်းမတူရင် ချန်ပီယံလည်းမတူဘူး။ တစ်ချို့လည်း ခြေဆေးမှ ရဟန္တာဖြစ်တယ်။ တစ်ချို့လည်း လည်ပင်းကို ဓားနဲ့လှီးပြီးမှ၊ တစ်ချို့လည်း ဝိတက်တွေ ဆင်ခြင်မှ၊ တစ်ချို့လည်း မြားသမားမြားဖြောင့်မှ၊ တစ်ချို့လည်း ရင်ဝလှံစူးမှ၊ တစ်ချို့လည်း ထမင်းချက်မှ၊ တစ်ချို့လည်း ငယ်ထိပ်ကိုရှုမှ၊ တစ်ချို့လည်း အာနာပါနကို ဟဲဗီးရော့ခ်ဓားပြနည်းနဲ့ရှုမှ၊ တစ်ချို့လည်း ပဋိစ္စသမုပ္ဗါဒ်လေး ထောက်ထောက်ပြမှ၊ တစ်ချို့လည်း နွားစာစဉ်းမှ၊ တစ်ချို့လည်း တောင်အောက်ခုန်ချမှ၊ တစ်ချို့လည်း အိပ်ရာထဲလှဲမှ။ တစ်ချို့လည်း အရက်မူးပြီး တရားလာနာမှ၊ တစ်ချို့လည်း ရသေ့ယောင်ဆောင်ပြီး တရားမှတ်မှ၊ တစ်ချို့လည်း အဝတ်စအဖြူကို ညစ်အောင်ပွတ်မှ၊ တစ်ချို့လည်း ရွှေရောင်ကြာပွင့်ကြီးထိုင်ကြည့်မှ၊ တစချို့လည်း နတ်သမီးများများရအောင်ကြိုးစားရှုမှ၊ တစ်ချို့လည်း အလောင်းကောင်ပုပ်မြင်မှ၊ တစ်ချို့လည်း နှစ်သုံးဆယ် မျက်ရည်ကျမှ၊ တစ်ချို့လည်း ဘုရင်က အထင်သေးပြီး သင်္ကန်းမလှူတော့ဘူးဆိုမှ၊ တစ်ချို့လည်း ကိုယ်လုံးတီးနဲ့ရူးနေရင်း သတိထားလော့ဆိုမှ၊ တစ်ချို့လည်း အသက်ကြီးလွန်းလို့တိုင်ကို ကိုင်ပြီး တိုင်ပတ်ရှုနေတော့မှ၊ တစ်ချို့လည်း အနာဂါမ်မုဆိုးမကြီး လိုအပ်တဲ့ အဟာရကို စီမံပေးမှ တရားရကြတာ။ ဘာသာရေးမှာ အမှန်မြင်ဖို့ဆိုတာ အင်မတန်ခက်တယ်။ နတ်ပြည်ကို ယုံရင် ခင်ဗျား မြင်းမိုရ်တောင် ကွန်ဆက်ကို ယုံရမယ်။ အဲဒါဆိုရင် တောင်ခါးပန်းမှာ လူ့ပြည့်ဆိုတာကိုလည်း ယုံရမယ်။ ဟာဗျာ။ မနောက်ကြပါနဲ့လား။ နေဟာ ထိန်ပင်ပေါက်ရာ အနောက်ကျွန်းကို ယွန်းနေချိန်မှာ မြောက်ကျွန်းသူလေး ဘာလုပ်နေပါလိမ့်။ အမေရိကန်သူတွေနဲ့ မက္ကဆီကိုက ကလေးမလေးတွေကိုများ မြောက်ကျွန်းသူလေးတွေလို့ဆိုလေသလား။ အိန်ဒိယအလယ်ပိုင်းကို ကမ္ဘာကြီးရဲ့ အလယ်ဗဟိုလို့ယူဆပြီး ပန်ချာပီတွေနေတဲ့ပန်ဂျပ်ကို မြောက်ကျွန်းလို့သတ်မှတ်တာဖြစ်ချင်လည်းဖြစ်မယ်။ ခေတ်ကြီးက မကောင်းတော့ ပထဝီဝင်ကိုမေ့ထားပြီး တရားနာကြပါ။

အမြင်တွေအားလုံးမှာ ကိုယ့်ကိုယ်ကို မြင်တဲ့အမြင်ဟာ အရေးအပါဆုံး။ အဲဒါကိုသိဖို့ ပလက်ဖောင်းတွေကို နောက်တစ်ခေါက်ပြန်လျှောက်ကြည့်တယ်။ အရင်ကထက် အလေးချိန် နှစ်ဆများလာတာကို အချိန်စီးတယ်ခေါ်ရင်တော့ အသက်ကြီးလာသလောက် အချိန်စီးတဲ့သူတော့ဖြစ်နေပါပြီ။ မော်တင်အထိလည်း လျှောက်နိုင်သေးတယ်။ အဲဒီမှာ အော်ကွေ့ကြည်လေး စားပြီး ရူပဗေဒဆရာရဲ့ သမီး ဒေါက်ဖိနပ်စီးတာကို သူငယ်ချင်းငရဲနဲ့  သန္တရသအပြည့်ပါတဲ့ မနဿီကာရနဲ့ပြောရလိမ့်ဦးမယ်။

လူ့အဖြစ်ဟာ ၅ နဲ့ ၇ မဟုတ်ဘူးလို့ Grub ကပြောတယ်။ သူ့အယူအဆက ၆ ခြားနေစရာမလိုဘူးတဲ့။ အင်မတန်ပညာယှိတဲ့ သူငယ်ချင်းတွေနဲ့ နေခွင့်ရတာ အင်မတန်ကံကောင်းပါလားဆိုပြီး တစ်နေ့ သုံးလေးခါ ကျေးဇူးတင်စကားပြောရမယ့်ပုံပဲ။ လူ့အဖြစ်မှာ ဘာကို ခြောက်ခြားနေရမှာလဲ။ နေစရာရှိတာနေပြီး၊ သေဖို့အချိန်ကျရင် သေလိုက်ရုံပဲ။ လူများကို ဒုက္ခများများမပေးထားရင် သေရတာ သိပ်မခက်လောက်ပါဘူး။ သေခြင်းတရားရဲ့လေးနက်မှုဟာ အရသာပိုပိုရှိလာနေမြဲပဲ။

မမြဲခြင်းတရားတွေနဲ့ ဝန်းပတ်ဖွဲ့တည်နေတဲ့ကမ္ဘာမှာ .... အလင်းတရားရဲ့တိတ်ဆိတ်မှုကို အသာလေး ခံစားနားလည်ရင်း နေကြရင် စိတ်ထားနူးညံ့လာကြမှာပဲ။ ကိုယ့်ဘဝကိုယ်ပိုင်တယ်။ သေခါနီးမှ ငါ ဟုိုတစ်ခုကျန်၊ ဒီတစ်ခုကျန်ဆုိုတာမျေိုးမဖြစ်ချင်ဘူး။ ကိုယ့်ဘဝကိုယ်ကျေနပ်တယ်။ ငြိမ်းငြိမ်းချမ်းချမ်းရှိသင့်သလောက်ရှိတယ်။ ခွေးနှစ်ကောင်နဲ့ လူတစ်ယောက်မွေးဖုို့ပဲကျန်တော့တယ်။ ခွေးနှစ်ကောင်ကတော့ တကယ်လိုအပ်လို့ ကလေးတစ်ယောက်ကတော့ အမွေပေးဖို့လောက်ပဲလိုတယ်။ သူ့မာနနဲ့သူ တပြားမှ မယူဘုးဆိုလည်း ဆေးရုံတစ်ရုံမှာ သေရင် အကုန်လှူလိုက်မယ်။ လက်ဗလာနဲ့လာတဲ့လောကကြီးကနေ လက်ဗလာနဲ့ပြန်မယ်။ ကုက္ကုစ္စမထားကြနဲ့။ မှားခဲ့တာတွေလည်း မေ့ထားလိုက်။ အသုံးမကျတာတွေ များများပြန်မတွေးရင် ဘဝဟာ နေပျော်တာပဲ။ အပြစ်ကင်းတဲ့ ပျော်ရွှင်မှုတွေ ကမ္ဘာကြီးမှာ တော်တော်လိုနေသေးတယ်။ အဲဒါကို မရနိုင်ရင် အဲဒါကို ပြန်မပေးနိုင်ဘူး။ မပျော်တဲ့သူက မပျော်တဲ့ကမ္ဘာကြီးကို မပျော်စရာတွေ ပေးလိမ့်မယ်။ ပျော်တဲ့သူက ပျော်စရာကမ္ဘာကြီးဖြစ်ဖို့ ဒစ်စနေ အပြာရောင်တွေ ဖြည့်ပေးလိမ့်မယ်။ အနှစ်ခြောက်ဆယ် တရားရှုလာလည်း ဂျလက်တို ဘယ်လိုချိုတယ်ဆိုတာ သိနေဖို့မလွယ်ဘူး။ စားကြည့်မှ သိနိုင်တာမျိုး။ ဒစ်စနေအပြာနဲ့ ဂျလက်တိုရဲ့လတ်ဆတ်ချိုမြိန်မှု နှစ်ခုတော့ လူ့ဘဝမှာ ချန်ထားခဲ့ဖို့ ကြိုးစားရဦးမယ်။           ။

Regards,
Z

ဝိုင်ဖြူများ၏ လတ်ဆတ်မှုဆီသို့ခရီးနှင်။





Peace B with U.

Saturday, August 23, 2014

အေးပါကွာ

အေးပါကွာ

အလုပ်မရှိကြောင်ရေချိုးဖို့ကနေ ကလေးတစ်ယောက်လောက်မွေးရင်ကောင်းမလားဖြစ်လာတယ်။ သိပ်ပျင်းလာပြီ။ ဘဝဟာ အချိန်ပိုတွေပေါ်မှာ အချိန်ပိုတွေ ထပ်ထားတဲ့ ပီတိုကစားနည်းဖြစ်ရမယ်။

ဖေ့စ်ဘွတ်ခ်ဟာ သက်သေခံလက်မှတ်လုိုလို၊ အသေးစား ရာဇဝင်အပိုင်းအစလိုလို၊ဝမ်းသွားနေတဲ့နေ့ကအစ ဝမ်းနည်းနေတဲ့ နေ့အဆုံး။ အသည်းကွဲတဲ့နေ့ကအစ မင်္ဂလာဆောင်ဓာတ်ပုံအဆုံး၊ အစာအဆိပ်သင့်လုို့ ဆေးရုံပေါ်လဲနေရာကနေ သွေးလှူတဲ့ပုံတွေအထိ။ သေပြီးသားလူတွေပုံတွေနဲ့ မရှင်သေးတဲ့လူတွေအထိ၊ ရောက်တဲ့နှစ်မှာ စို်က်ခဲ့တဲ့ ကန္တာရပင်လေးက ထပ်ကြီးမလာတော့ဘူး။ စိတ်အားဖြင့်လည်း ရင့်ကျက်မလာဘူး။ နှစ်ကာလတစ်ခုမှာ အရာရာသေဆုံးပြီးသွားတဲ့လူလို၊ အဲဒီနှစ်တွေကနေ စိတ်က ထပ်ပြီး ရှင်သန်မနေတော့ဘူးလား။ ရပ်တန့်သေဆုံးနေတဲ့ စိတ်ကို ပြန်မြင်ရတာ စိတ်လေတယ်။ လူဟာ ရပ်တန့်လုို့မရဘူး။ ဆက်လက်ရှင်သန်ရမယ်။ စိတ်ကလည်း ဒါကို သဘောပေါက်ဖုို့ကောင်းပြီ။ ဒါပေမယ့် အခုအထိတော့ သဘောပေါက်ပုံမရသေးဘူး။ သေချာတဲ့ အတိတ်၊ ပြောင်းလဲလုို့မရတဲ့ အတိတ်ရဲ့ သေချာမှုကို ခုိုတွယ်ကပ်မီနေတဲ့စိတ်။ ပေပေတေတေ ရပ်တန့်သေဆုံးနေတဲ့စိတ်။ ရှေ့စိတ်က သေပြီးရပ်နေလုို့နောက်စိတ်က တစ်ခြားသွားမလားဆိုတော့လည်း အဲဒီနေရာမှာပဲ နောက်တစ်စိတ်က ထပ်ရပ်တန့်သေဆုံးနေချင်ပြန်တယ်။ အသေတွေစုပြုံနေတဲ့ အခုိုက်အတန့်တွေနဲ့ကြီးကျယ်ဆန်းပြားလှပနေတဲ့ ground Zero။

စာအုပ်စင်ကုိုမော့ကြည့်ဖုို့ဝယ်ထားတာပဲ။ စာဖတ်ဖုို့ စိတ်မဝင်စားတာ နှစ်နှစ်ပြည့်ပြီ။ လမ်းဘေးအုတ်ခုံက သီချင်းသံကိုပဲ လွမ်းသလိုိုလုိုဖြစ်ဖြစ်နေတယ်။ နွားနို့တစ်ခွက်စာ မုန့်ဖုိုးရရင် ညနေလမ်းလျှောက်မယ်။ မင်းဒင်လမ်းထိပ်က ညပိုင်းဖွင့်တဲ့ နွားနုို့ဆုိုင်မှာထိုင်မယ်။ မလိုင်အပြည့်ပါတဲ့ နွားနို့သောက်မယ်။ ဘဝရဲ့မအောင်မြင်မှုတွေအကြောင်း စားမြုံ့ပြန်မယ်။ ပိုက်ဆံပိုရင် ဘိန်းမုန့်စားမယ်။ ပိုက်ဆံမရှိရင် ငြိမ်ငြိမ်လေးထုိုင်နေမယ်။ ဒီလောက်ပြဿနာနည်းတဲ့ဘဝ ပြန်မရနုိုင်တော့ဘူး။

ကျန်းမာရေးတစ်ခုတော့ အကောင်းအတုိုင်းရှိနေသေးတာ။ ဒါဟာ ကံကောင်းတာပဲ။ တစ်နှစ်နေလို့ တစ်ခါမဖျားဘူး။ တစ်ချိန်ချိန်တော့ တစ်ခါဖျားပြီး တစ်ခေါက်တည်း ရှောမယ့်ဇာတ်လမ်းမျိုး။ ရှေ့နှစ်မှာ ဘာဝယ်မယ်၊ ဘာစုမယ်မရှိဘူး။ ထမင်းဝဝစားသွားပြီး ပျော်ပျော်နေဖို့ပဲ။ ဥစ္စာပစ္စည်းဆိုတာ ထုိုက်တန်လာရင်အလုိုလုိုရတာမျိုး။ သိပ်ပြီး အာရုံမထားကြနဲ့။

လူ့လောကရဲ့အကန့်အသတ်တွေက တုိုလီမိုလီတွေထည့်တဲ့ organizer တစ်ခုလိုပဲ။ အကန့်အသတ်ရှိသလောက်ပဲသပ်ရပ်နုိုင်မယ်။



ဖြစ်နဲ့ပျက်ကြားမှာ ရှိတဲ့ တည်ရှိချိန်ဟာ တုိုလွန်းလို့ လစ်လျူရှုလုိုက်လုို့ရတယ်တဲ့။ တရားအားထုတ်တဲ့သူတွေဟာ တည်ဆိုတဲ့ ဠီ ကို ကျော်ချနေကြတာပဲ။ သိပ်မြန်လွန်းလို့ ရှိသလိုလုိုနဲ့ မရှိတော့ဘူးကိုအာရုံစိုက်လိုက်တာမျိုး။ တည်ရှိချိန်လေးဟာ တုိုတောင်းရင်တုိုတောင်းနေမယ်။ ချစ်ခြင်းတရားရဲ့ တုိုတောင်းမှုကိုတော့ လစ်လျူရှုလို့မဖြစ်နုိုင်ဘူး။

ပိုင်ဆိုင်မှုဆိုတာ နည်းနည်းလောက်ကြာလာရင် လိုအပ်မှုဖြစ်လာတာပဲ။ လိုအပ်မှုဟာ နောက်တော့ အသက်ရှူနေသလို အသားကျလာတာမျိုး။ တော်တော်လေးကြာမှမရှိလည်းဖြစ်တယ်ဖြစ်လာတယ်။ အဲဒီဖြစ်စဉ်ကြီးကို လောကဓံလို့ခေါ်တာပဲ။ တစ်ချို့သူတော်ကောင်းတွေကတော့ ကောင်းတဲ့ဟာတွေတောင် အမြဲမရနုိုင်ဘူး။ ပြန်ဆုံးရှုံးနုိုင်လုို့ အကောင်းမရှိဘူးပြောတာပဲ။ ရှိနေတဲ့အကောင်းတွေ ဆက်မကောင်းနုိုင်မှာကြောက်ရလုို့လည်း အကောင်းဟာမကောင်းဘူး။ အနိစ္စနဲ့ အနတ္တရဲ့ နေရာမလပ်တည်ရှိခြင်းဟာ လူ့ဘဝကို ပေါ့ပေါ့ဆဆလွယ်လွယ်ကူကူသွားလုို့ရစေတာပဲ။

ဟုိုတလောက နာတဲ့တရားမှာ သာသနာဖျက်တာ ပိဋကတ်သုံးပုံဆောင်တဲ့ဘုန်းကြီးတစ်ပါးဖြစ်ခဲ့ဖူးတယ်ဆိုတယ်။ သိပ်သိလာရင် လွတ်တွတ်တွတ်ဖြစ်ကုန်တဲ့သဘောဖြစ်လာတယ်။ တစ်ချို့လည်း သိပ်မသိဘူး။ နဂိုလွတ်။ သူ့ဟာသူ လုပ်ချင်ရာလုပ်နေတဲ့သူတွေကြောင့်တော့ဘယ်သာသနာမှမပျက်ဘူး။ အဲဒါကြောင့် ကိုယ့်ဟာကိုယ် နေသာသလို ပျော်ပျော်နေကြပါ။ ဘာသာတွေ၊သာသနာတွေကို သူ့အတိုင်းကြီးပွားစည်ပင်နေကြပါစေ။ ကိုယ်ကာကွယ်လုိုက်မှ ပိုဆိုးသွားပါဦးမယ်။ အဲဒီအယူအဆကို ဘုန်းကြီးချာတိတ်တွေကို ကျောင်းထုိုင်သင်တန်းပေးတဲ့အခါ နည်းနည်းထည့်သင်ပေးကြပါ။

What to give light must endure burning (Viktor E. Franki) ကဆိုတယ်။ လောကကို အလင်းပေးချင်တဲ့သူတွေအနေနဲ့ နည်းနည်းပါးပါး အပူလောင်မှာလောက်ကို ကြောက်နေလုို့မဖြစ်ဘူး။ ဘာသာတရားခေါင်းဆောင်တွေအနာခံသွားတာတွေကြောင့်လည်း ဘာသာတရားတော်တော်များများ ဒီလောက်သက်ဆုိုးရှည်နေတာ။ ဒါပေမယ့် ဒါတွေလည်းမကြာတော့ဘူး။ လူ့သမုိုင်းဟာ ဖြစ်ပြီးသွားခဲ့ပြီး အပျက်ပိုင်းကို ပြန်ရောက်လာနေတာပဲ။ ကျွန်တော်တို့ လူသားတွေ တီထွင်ထားတဲ့ ဘာသာတရား၊သိပ္ဗံပညာတွေ့ရှိချက်နဲ့ သင်္ချာသီအိုရီတွေအားလုံးဟာ လူ့သမုိုင်းကုန်ဆုံးချိန်မှာ ပျောက်ကွယ်သွားရမှာပဲ။ လူဟာ အရှိအတုိုင်း မြင်ဖုို့ အင်မတန်ခက်တဲ့သတ္တဝါ။ အရှိအတိုင်းမြင်လုိုက်ရင် ဘာမဆိုသေးသိမ်သွားမယ်ထင်ကြတယ်။ ဘုန်းကြီးတွေက လူတွေကို လူမှုရေးကိစ္စတွေ သင်ပေးဖုို့ကြိုးစားနေသလုို၊နုိုင်ငံသမားက ပြည်သူတွေကို ဆန်ဝယ်ဖုို့သင်ပေးတုန်းပဲ။ ဟုတ်ယောင်ထင်မှုဟာ သိပ်အရေးကြီးတယ်။ ဆင်တွေကို ဆင်ထိန်းတွေက ငယ်တုန်းက ဆူးနဲ့ထိုး တုတ်နဲ့ဝိုင်းရိုက်ပြီး၊ လူသားဟာ ဆင်ထက် အင်အားကြီးတယ်လုို့ ထင်အောင် စိတ်ပိုင်းဆိုင်ရာ အသိမှားတစ်ခုထည့်သွင်းပေးခဲ့တာ။ အဲဒီအသိမရှိရင် ဆင်က ဆင်ဦးစီးကို နင်းသတ်ပြီး တောထဲပြန်သွားမှာပဲ။  ဆင်တွေဟာ သူတုို့ခွန်အားကို သူတုို့မသိဘူး။ သူတို့ခေါင်းပေါ်မှာ ထုိုင်နေတဲ့သူကို လွယ်လွယ်လေးသတ်လုိုက်လုို့ရတယ်ဆုိုတာကို မသိဘူး။ အတိတ်က ဒဏ်ရာကို ကြောက်စိတ်ဟာ အနာဂတ်အကျဉ်းကျမှုကိုဖြစ်စေတာပဲ။ အဲဒီလုို သတ္တဝါတစ်မျိုးမျိုးကို ထိန်းချုပ်ဖုို့ဆိုတာ စိတ်ပုိုင်းဆိုင်ရာ ဒဏ်ရာက အင်မတန်အရေးကြီးသွားတယ်။ နိုင်ငံရေးနဲ့ဘာသာရေးမှာ ဒီနည်းစနစ်ဟာ အခုအထိအောင်မြင်နေတုန်းပဲ။ ဗုဒ္ဓဟာ သူ့ခေတ်သူ့အခါက ဘုန်းကြီးကျောင်းမှာဆွမ်းချက်ဖုို့ လာတဲ့လူတွေ ဆူညံနေတော့ အရှင်အာနန္ဒာကို ငါးသည်တွေလို ဆူနေတဲ့သူတွေကို မောင်းထုတ်လိုက်ဖုို့ပြောတယ်။ Jesus လည်း ဘုရားကျောင်းထဲမှာ ဈေးရောင်းနေတဲ့သူတွေကို လုိုက်ရိုက်ဖူးတယ်။ နောက်ပိုင်းတော့ ရှေးအယူအဆတွေဟာ ကွန့်မြူးတဲ့တပည့်တွေနဲ့တွေ့တော့ ဝိနည်းကိုလည်း အဆင်ပြေအောင်ပြင်ပေးလိုက်ကြတယ်။ ဘုန်းကြီးတွေ smart phone သုံးလုို့ရပြီ။ ဘုရားကျောင်းနားမှာလည်း ဈေးရောင်းလုို့ရပြီ။

ကြောက်တတ်တဲ့သူဟာ လောကမှာ ကြောက်စရာအကောင်းဆုံးပဲ။ တစ်ခုခုကိုကြောက်ရင် လူဟာ အဲဒီတစ်ခုကိုကြောက်တဲ့စိတ်နဲ့ တခြားတစ်ဖက်မှာ အင်အားကောင်းလာတာပဲ။ ဆာမူရိုင်းတွေဟာ သတ္တိကြောင်တယ် အထင်ခံရမှာ သိပ်ကြောက်တာ။ အဲဒီတော့ ဒီလုို အပြောမခံရအောင် အင်မတန်ရဲရဲရင့်ရင့် စွန့်စွန့်စားစားတွေလုပ်ကြတာ။ သေမှာကြောက်တဲ့သူဟာ ကိုယ်မသေအောင် သူများကို သတ်တဲ့သူဖြစ်လာတာပဲ။ တွေးကြည့်ရင်တော့ရယ်စရာကြီးပေါ့ဗျာ။ အကြောက်တရားဟာ လူ့သမုိုင်းကို မောင်းနှင်နေခဲ့တာပဲ။ ဆိုဗီယက်မှာ ဇာဘုရင်တွေဟာ ဆင်ထိန်းတွေနဲ့တူပြီး၊အလုပ်သမားတွေဟာ ဆင်တွေပေါ့။ တစ်ချိန်မှာ အကင်းပါးတဲ့ဆင်တစ်ကောင်က ဆင်ထိန်းတွေ နင်းသတ်လိုက်ရင် လွတ်လပ်ရေးရမယ်လုို့ အတွေးပေါ်လာရာကနေ ဖေဖော်ဝါရီတော်လှန်ရေးဖြစ်လာတာပဲ။ ရပ်ရှားတွေဟာ ဖေဖော်ဝါရီတော်လှန်ရေးကို မတ်ခ်ျလမှာမှ လုပ်တယ်။ အင်မတန် အချိန်ကိုက်တာ။

အနာဂတ်ကို အကောင်းမြင်တာရော၊ အဆိုးမြင်တာရော သုံးမရဘူး။ အနာဂတ်ဆိုတာ ကိုယ်ပိုင်တဲ့ကိစ္စမဟုတ်ဘူး။ မနက်ဖြန် ကမ္ဘာ့စီးပွားပျက်ကပ်ဆုိုက်ရင် သန်ဘက်ခါ အားလုံး အလုပ်လက်မဲ့ဖြစ်သွားနုိုင်တာပဲ။ သိပ်အများကြီး မမျှော်လင့်ဘဲ၊ ကိုယ့်ဘဝကို ကျေကျေနပ်နပ်ပြည့်ပြည့်ဝဝနေသွားနုိုင်ရင် အသေဖြောင့်တာပေါ့။

မာရီယိုဟာ မှိုစားမိပြီး ကြီးလာလုိုက် လိပ်နဲ့ဝင်တုိုက်မိရင်ပြန်သေးသွားလုိုက်နဲ့ နောက်ဆုံးမှာ အလံတုိုင်ကို အမှတ်အများဆုံးရအောင်ခုန်လိုက်တာဟာ လူ့ဘဝကို အတုိုဆုံး အကျဉ်းချုံးဖော်ပြချက်ပဲ။ ငယ်ဘဝက ဂိမ်းဟာ တစ်သက်လုံးစာ လုံလောက်တဲ့ ဒဿနဖြစ်နေတာမျိုးဟာ အံ့သြစရာကောင်းတယ်။

ပေပါတိုရှည်ဟာ ကြွပ်ရွတယ်။ ရိုးရိုးတိုရှည်ဟာ နည်းနည်းပျော့တယ်။ ဘဝဆိုတာ တိုရှည်တစ်မျိုးမျိုးကို ရွေးစားဖို့လူဖြစ်လာတာလည်းဖြစ်နုိုင်တယ်မဟုတ်လား။ စကားလုံးတွေထက် အစားအသောက်ဟာပိုအရသာရှိတယ်လုို့ ပရမတ်ကျကျဆင်ခြင်ရင်း ......။





Regards,
Z



Peace B with U.

Tuesday, August 12, 2014

ကွန်ဖြူးရှပ်နှင့်လောက်ဇူ

ကွန်ဖြူးရှပ်နှင့်လောက်ဇူ

ကွန်ဖြူးရှပ်နဲ့လောက်ဇူတွေ့တဲ့အခန်း မောင်အိုရှိုရေးတဲ့ လုံးဝတောက်(absolute tao) မှာပါတယ်။ ကိုဖြူးက လူဆိုတာ ပြင်ရင်ကောင်းတယ်။ ပြင်ရမယ်။ မကောင်းရင်ပြင် ကောင်းလာမယ်။ ကောင်းရင် ထပ်ပြင် ပိုကောင်းမယ်ဆိုတဲ့ အတွေးအခေါ်ရှိတယ်။

အဲဒီတုန်းက တရုတ်ပြည်မှာ ကိုဖြူး (ကျနော်တို့က အဲဒီတုန်းက အငယ်တွေ။ အဲဒီတော့ ကိုဖြူးလုို့ပဲမြန်မာဆန်ဆန်ခေါ်တယ်။) ကဉာဏ်ပညာအရာ ငါဆရာဆိုတဲ့အနေအထား။ ဒါပေမယ့် ပညာယှိပီပီ ငါ့မှာလည်း ဆှာလုိုတယ်ဆိုပြီး လုိုက်ရှာတယ်။ ဗုဒ်ဓဆိုတဲ့လူကြီးလည်း ဘုရားဖြစ်ဖြစ်ချင်း အလုပ်လက်မဲ့လိုဖြစ်သွားတယ်။ ကိုးကွယ်ရာပျောက်သွားလုို့၊ လုိုက်ရှာရင်းနောက်ဆုံး ဓမ်မတွေ့မှ သက်ပြင်းချနုိုင်တယ်။ လူဟာ အင်မတန်ကိုးကွယ်ချင်တဲ့သတ္တဝါ။ ဘုရားဖြစ်တာတောင် လေလေးချွန်ပြီး ဇိမ်နဲ့အိပ်မနေဘူး။ ကိုးကွယ်ဖုို့ တစ်ခုခုလုိုသေးတယ်ထင်တာ။ ကိုဖြူးကလည်း ဒီအကြောင်းတွေဖတ်ဖူးတော့ ပညာယှိပေမယ့် နည်းနာဆည်းပူးဖုို့လုိုသေးတယ်လို့ ရေပြည့်အိုးကြီးပီပီဘောင်ဘင်မခတ်ဘဲတွေးတယ်။ တပည့်တွေကိုပါ ဆှာလိုက်ရှာခိုင်းတယ်။

အဲဒီမှာ အဖိုးကြီး လောက်ဇူနဲ့တွေ့တယ်။ သူကိုယ်တုိုင်တွေ့တာတော့မဟုတ်ဘူး။ တပည့်တွေတွေ့လာတာ။ လောက်ဇူဆိုတာလည်း အသံထွက်မမှန်ဘူး။ တရုတ်လုိုမတတ်တော့ ရမ်းကစ်လုိုက်တာပဲ။ အဲဒီလိုရမ်းကစ်လုိုက်ပေမယ့် အဲဒီခေတ်က အသံထွက်နဲ့ နီးစပ်သွားနုိုင်တာပဲမဟုတ်လား။ လောက်ဇီလုို့လည်းအသံထွက်တယ်။ အသံထွက်က ကိစ္စမရှိဘူး ဘာသာပြန်လုိုက်ရင် အဖိုးကြီးဆိုတဲ့ အနက်ထွက်တယ်ဆိုတော့ အဘိုးကြီးပဲထားလုိုက်။

အဖိုးကြီးကလည်း အသက်ကြီးချက်က ၉  ကျော်တယ်။ ဘာလုို့ ၉  ကျော်တာလဲဆိုတော့သူ့ မျိုးနွယ်ကို ဘယ်သူမှမသိတော့ဘူး။ အဲဒါနဲ့ ကိုဖြူးက ဒီလောက်အသက်ကြီးတာ ငါပညာယူစရာတစ်ခုခုရှိမယ်ဆိုပြီးသွားတွေ့တာ။

လူဆိုတာ ကိုယ်သိတာကိုပဲအကောင်းထင်တဲ့သဘာဝရှိတယ်။ ဘာသာရေးပြဿနာဆိုတာ ကိုယ့်ဘာသာကိုယ်ကောင်းတယ် အလွန်အမင်းထင်ကုန်တာကြောင့်ပဲ။ လူတွေသိပ်မကောင်းရင် ဘာသာကောင်းကောင်းအရိပ်ထဲမှာ ပုန်းနေလုိုက်တာပဲ။ ဘာသာတရားစည်းကမ်းနဲ့နေလုိုက်ရင် ကိုယ်မကောင်းတာမေ့ထားလုို့ရသွားတာကိုး။ အဲဒီလိုပဲ ကိုဖြူးကလည်း သူသိတာလေးသွားပွားတယ်။

လူ့ကျင့်ဝတ်တွေကဘာလဲ၊ စာရိတ္တကောင်းကဘာလဲစတာတွေ အာဖျံကွီးတာပေါ့။ အဖိုးကြီးက ဟက်ဟက်ပက်ပက်ရယ်တာပေါ့။ သူ့ဒဿနအရက မကောင်းတဲ့သူတွေဟာ ကောင်းဖုို့ကြိုးစားတာ။ တကယ်ကောင်းတဲ့သူက ကောင်းဖုို့ကြိုးစားမနေဘူး။ သဘာဝကျကျနေလုိုက်တာပဲ။ ကျင့်ဝတ်သိက္ခာတမင်စောင့်ထိန်းနေရသေးရင်ကို မကောင်းတော့ဘူး။ တကယ်ကောင်းတဲ့သူဟာ သူ့အထုံဗီဇအတုိုင်းကောင်းနေတာပဲ။ မရှိတာကြီးကို ရှိအောင်ကြိုးစားလုပ်ယူနေရတာ မစွံဘူးလုို့ အဖိုးကြီးကယူဆတယ်။

အဲဒါမှန်တယ်လို့ထင်တယ်။ ပိုက်ဆံအကြောင်းတွေးနေသေးတဲ့သူဟာ မချမ်းသာသေးဘူးလုို့ အဆိုရှိတယ်။ စိတ်ထဲမှာသဘာဝကပေးထားတဲ့ ငြိမ်းချမ်းမှုရှိပြီးသား။ တရားထုိုင်၊ တရားမှတ်ကြတယ်ဆိုတာလည်း အတွင်းကငြိမ်းချမ်းမှုကို ပိတ်ဆို့ထားတဲ့ အကာအရံတွေကိုဖယ်တာပဲ။ သဘာဝတရားကိုနားလည်ဖုို့ရိုးရှင်းတဲ့စိတ်ဖြစ်အောင်ပြင်ယူကြတာပဲ။ နိဗ္ဗာန်ရောက်တယ်ဆိုတာလည်း စိတ်က သူ့အလုပ်သူလုပ်သွားတာပဲ၊ ကိုယ့်ဟာကိုယ် လှမ်းခုန်လုိုက်လုို့ရောက်တာမှမဟုတ်တာ။ အဘိုးကြီးက ယင်နဲ့ယန်ကို နားလည်တယ်။ ဆန့်ကျင်ဘက်တရားတွေဟာ ဒွန်တွဲနေတယ်ဆုိုတာကို သဘောပေါက်ပြီးသား။

ကုိုဖြူးကတော့ အကောင်းဘက်အခြမ်းကိုပဲအသားပေးချင်တယ်။ အဆိုးဘက်ကို အတင်းဆန့်ကျင်တယ်။ အတင်းဆန့်ကျင်တာမှာ မကောင်းတာနှစ်ခုလောက်ဖြစ်တယ်။ ပထမတစ်ချက်က ပင်ပန်းတယ်။ ဒုတိယတစ်ချက်က ကိုယ်က ကောင်းတာလုပ်နေတာလုို့တွေးရင် မကောင်းတာလုပ်နေတာလုို့ယူဆတဲ့သူကို အထင်သေးတော့တာပဲ။ မကောင်းတာလုို့ကိုယ်ယူဆပြီး ကိုယ့်ဟာကိုယ် မလုပ်ချင်လုို့မလုပ်တာကောင်းတယ်။ အတင်းပြင်ယူတာမဟုတ်ဘူး စိတ်ရဲ့မူလဘူတသဘာဝအတုိုင်း အလုိုက်သင့်လေးနေတာ။ မကောင်းတာလုပ်တဲ့သူလည်း သူကြိုက်တာသူလုပ်ပစေ။ အထင်မသေးဘူး။ ကောင်းတယ်ဆုိုတာလည်း မကောင်းတာလုပ်တဲ့သူရှိလို့သာကောင်းတယ်ဖြစ်တာ။ သာမန်အားဖြင့် ဘာမှမဟုတ်ဘူး။

သံသရာလည်တယ်လုို့ယူဆရင် အကောင်းနဲ့အဆိုးဟာ ဆတူလောက်လုပ်ပြီးသားတွေချည်းပဲ။ ဘဝတွေသိပ်များလာရင်တော်တော်လေးထုံနေပြီ။ အကုသိုလ်လည်းစုံပြီ။ ကုသိုလ်ကတော့ နိဗ္ဗာန်ရရာရကြောင်းကလွဲရင် ကျန်တာတွေစုံလောက်ပြီ။ ဘယ်သူမှမသာဘူး။ နိဗ္ဗာန်ကလည်း ငရဲရှိလို့သာပြည့်စုံတဲ့နေရာဖြစ်တာ။ လူ့ဘဝရဲ့ အနိစ္စ၊ဒုက္ခ၊အနတ္တတွေရှိနေလုို့သာ အဲဒါတွေကင်းတာ ကောင်းတယ်ဖြစ်ကုန်တာ။ ဆန့်ကျင်ဘက်တွေနဲ့ ဒွန်တွဲနေလုို့သာ အရာရာ အချိုးညီနေတာ။

ဟုိုတလောကပဲ ဆရာတော်ဦးဇောတိကဟောတာတစ်ခုဖတ်လုိုက်သေးတယ်။ မာရ်နတ်ကြီးကိုတောင်ကျေးဇူးတင်တယ်တဲ့။ မာရ်နတ်ကြီးမရှိရင် ဘုရားရဲ့ တန်ခိုးတွေ ပေါ်လွင်မှာမဟုတ်ဘူး။ အရှင်ဒေဝဒတ္တလည်းဒီလိုပဲ။ သူတုို့တွေ လုပ်ကြံနေလို့သာ ဘုရားရဲ့မေတ္တာပိုပေါ်လွင်တာ။ မဟုတ်ရင် ဆွမ်းလှူနေတဲ့သူတွေပေါ်လောက်ပဲ မေတ္တာထားနုိုင်တယ် ထင်ရင်ထင်ကြမှာ။ ကိုယ့်ကို လုပ်ကြံတဲ့သူအပေါ်မှာလည်း တူညီသောမေတ္တာထားနုိုင်တဲ့စိတ်ထားပေါ်လွင်ဖုို့ဆိုတာ ဗီလိန်ကောင်းကောင်းလုိုတယ်။ ဒါမျိုးက အလေးအနက်တွေမှာမှမဟုတ်ဘူး။ Megamind နဲ့ Metro Man ကြည့်ရင်လည်းသိနုိုင်တယ်။

ခရစ်ယာန်ဝါဒမှာလည်း ဘုရားသခင်နဲ့လူစီဖာနဲ့ရှိတာပဲ။ သူ့ဟာနဲ့သူပေါ့။ မင်းသားနဲ့ဗီလိန်အတွဲညီညီရှိမှဖြစ်တာ။ ကောင်းကင်ဘုံရှိရင် ငရဲလည်းရှိတာပဲ။ အညမည ကျေးဇူးပြုတာပဲ။ လောကကြီးက ညီညွတ်နေဖုို့ဆန့်ကျင်ဘက်တရားနှစ်ပါးက ဖြည့်ဆည်းပေးတာပဲ။ တစ်ခုတည်းက ရွေးလိုက်ရင် နောက်တစ်ခုကို ဆန့်ကျင်ရတော့တာပဲ။ ကုသိုလ်ကို ကုသိုလ်ပြုချင်လုို့ပြုတာ အင်မတန်လှတယ်။ အင်မတန်ဖြူစင်တယ်။ အကုသိုလ်ကြောက်လုို့ ကုသိုလ်ပြုတာကတော့ အင်မတန် ကလေးဆန်တယ်။ ရယ်စရာတောင်ကောင်းတယ်။ ကလေးတွေရဲ့ ဘာသာရေးမျိုးဖြစ်သွားတတ်တယ်။

အဘုိုးကြီးက ဒါတွေကို နားလည်တယ်။ သူက တော်ကီသမားမဟုတ်ဘူး။ ခံစားသိနဲ့ပဲသိစေချင်တာ။ လောကကြီးမှာ လူလိုနေရင် လူပီပီသသလေး နေသွားစေချင်တာ။ လူကောင်းဆုိုတဲ့ ဂုဏ်သိက္ခာရဖုို့ အတင်းဖျစ်ညှစ်ကြိုးစားပြီး လူမဆန်တာမျိုးကို အားပေးပုံမပေါ်ဘူး။ အဘိုးကြီးက အင်မတန်ရုိုးသားတဲ့အမြင်ရှိတယ်။ အင်မတန်လေးနက်တဲ့ရိုးရှင်းမှုမှာ သူ့အတွေးက အခြေချတယ်။ ကိုဖြူးတော်တော်လေးတုန်လှုပ်သွားတယ်။ ဒီအဘိုးကြီးက အန်တရာယ်အလွန်များတယ်ဆုိုပြီးကြောက်လာတယ်။ သူ့အတွေးအခေါ်မျိုး ကိုဖြူးမကြားဖူးဘူး။ အဲဒီအတွေးအခေါ်မျိုးကိုကြောက်လုို့ ချွေးတောင်ပျံတယ်လုို့ဆိုတယ်။ တပည့်တွေကိုလည်းပြောတယ်။ ဒီဘီးကျဲဆီမသွားနဲ့။ အင်မတန် dane dane dane danger ကြီး။ ငါတုို့လစ်မယ်။ အဲဒီလိုပြောပြီးလစ်တာ။ နောက်တစ်သက်လုံးအဘိုးကြီးဆီပြန်မသွားတော့ဘူးလုို့ပါတယ်။

တချို့သူတွေက အင်မတန်တွေးတာ။ အသက်ကြီးလာလေတွေးလေပဲ။ အရှင်အနုရုဒ္ဓါဆိုရင် အသက်တစ်ရာ့ငါးဆယ်အသက်ရှည်တယ်။ ဒုတိယသံဃာယနာတင်ဖုို့ နှစ်သုံးဆယ်မှ သူစံလွန်တယ်။ နိဗ္ဗာန်စံပြီး သက်တမ်းကုန်လွန်တယ်။ မဟာပုရိသဝိတက်ဆိုတာ သူ့ပြဿနာပဲ။ အင်မတန်တွေးတဲ့သူ။ ကောင်းတာတွေတွေးပြီး ဝိတက်တွေများတာ။ ဝိတက်ကတော့ ကောင်းတာတွေးတွေး၊မကောင်းတာတွေးတွေး သမာဓိမရဘူး။ သမာဓိမရရင်ပညာမဖြစ်ဘူး။ အဲဒီလို ဝိတက်တွေနဲ့နပမ်းလုံးနေတုန်း ဗုဒ္ဓရောက်လာပြီး နောက်ထပ် ဝိတက်နှစ်ခု ထပ်ပေးလုိုက်မှ တရားရသွားတယ်။

ကိုဖြူးနဲ့အဘိုးကြီးတွေ့တာဟာ ဆင်ခြင်စရာကောင်းတဲ့ ဝိတက်တစ်ခုပဲ။ အားနေရင် အားနေသလုိုနေကြပါ။ မအားသလုိုကြီးဟန်မဆောင်ကြပါနဲ့။ ဘဝတုိုတုိုလေးမှာ ခင်ဗျားတုို့ကို ဘယ်သူအထင်ကြီးကြီး၊ အထင်သေးသေး သိပ်ကိစ္စမရှိကြပါနဲ့။ ကိုယ့်ဘဝကို ပျော်ပျော်နေကြစမ်းပါ။ အဘိုးကြီးလို ရယ်ရယ်မောမောနေကြပါ။ ကိုဖြူးလုို လူတကာထက် ခေါင်းတစ်လုံးသာဖုို့ ၊ ဖြူစင်လွန်းသူကြီးတွေဖြစ်ဖုို့ မကြိုးစားကြပါနဲ့။ ကိုယ့်သဘာဝနဲ့အညီကိုယ်နေပြီး ကိုယ့်စိတ်ကုိုကိုယ်သတိထားနေရင် စိတ်ဟာ သူ့အလုိုလုိုပြုပြင်ပြီး သဘာဝတရားအသစ်တစ်ခုကိုမွေးဖွားပေးလုိုက်မှာပဲ။

အဘိုးကြီးကပြောတယ်။ တော်ကီထဲမှာ တရားမရှိဘူး။ တရားထဲမှာလည်း တော်ကီမရှိဘူး။ ခံစားနားလည်လာတဲ့တစ်နေ့ သဘောပေါက်တာပဲ။ အဲဒီလိုစိတ်ရဲ့သဘာဝကို စိတ်က သိမြင်တာ တရားပဲပေါ့။ တစ်ယောက်ယောက်လာပေးတာလည်းမဟုတ်ဘူး။ နဂိုရှိပြီးသားကို သတိထားမိလာတာ။ ပျောက်နေတဲ့ ရွှေလက်စွပ်ကို ပြန်ရှာတွေ့တာမျိုး။ ယောနိသောမနသီကာရဖြစ်နေတဲ့စိတ်နဲ့လက်ရှိ အခိုက်အတန့်လေးကို မဆုံးဖြတ်ဘဲ၊ မခံစားဘဲ တည့်တည့်လေးကြည့်နေတဲ့အရသာဟာ သူ့သဘာဝပေါ့။

ငြိမ်းချမ်းတဲ့စိတ်ကို နားလည်နုိုင်တာ နောက်ထပ်ငြိမ်းချမ်းတဲ့စိတ်ပဲ။

Regards,
Z



Peace B with U.

Tuesday, August 5, 2014

လမ်းခုလတ်တွင်

လမ်းခုလတ်တွင်


လမ်း
ခု
လတ်
တွင် ....။

ကျကျန်ရစ်ခဲ့သော ပန်းပွင့်ဟောင်း၏ ဒဏ္ဍာရီဆန်သော ခြောက်သွေ့မှု။ အငွေ့ပျံနေသော သွေးများဖြင့် နီရဲသော နေဝင်ချိန်ဂီတအကြောင်း တသုန်သုန်ဖြတ်သန်းသွားသော လေစီးကြောင်း၏ နာမတော်ဖြင့် ငြိမ်သက်သူတစ်ယောက် နေကောင်းစွာကျန်းမာနေသည်။

အလွန်ရှည်လျားသောကြောင့် နားလည်ရခက်သော ဝါကျများဖြင့် တည်ဆောက်သော ရှုပ်ပွပွ၊ပွယောင်းယောင်း လောကဓံဥခွံအတွင်းတွင် သူ့ဘဝကို သူကိုယ်တုိုင် ဝပ်နေသည်။ သရဲခြောက်သော အိမ်တစ်ခုဆီမှ ကြေကွဲဖွယ်စုတ်ထိုးနေသော အိမ်မြှောင်များ၏ သိစိတ်မဲ့ခြောက်လှန့်မှုတစ်ခုလုိုလုို၊ လမ်းခွဲရောင်နွေဦး၏ အနက်ရောင် ဥသြများ။ အစိမ်းရောင် ဥသြသံများ။ Simon နဲ့  Garfunkel တို့နှစ်ယောက်ကတော့ ပျော်ရွှင်စွာ သီချင်းဆိုနေတုန်းပင်ဖြစ်သည်။

ကားတစ်စီး၏ လက်ကိုင်ခွေတစ်ခုသည် သိစိတ်မဲ့ရွေ့လျားနေသည်။ မြန်မာဇာတ်ကားထဲတွင် အတည့်မောင်းနေသော ကား၏ လက်ကိုင်ခွေကို ဟိုလှည့်ဒီလှည့်လုပ်နေသော ရိုက်ချက်တစ်ခုလိုလို ဘဝသည် ဘယ်ဆွဲဆွဲ တည့်တည့်ကြီးသွားနေသည်ကို အချိန်လွန်မှသိလုိုက်ရသည်။ မြေဖုို့လိုက်သော လူစားသည့်ရေကန်သည် ဘဝပျက်သွားသလုိုလုိုဖြစ်သွားသည်။ ခြောက်လှန့်ခံအရာသည် တစ်ခါတစ်ရံ ခြောက်လှန့်သူလည်းဖြစ်နေတတ်ပါသည်။ အချိန်ပေး၍ လက်စားချေနေသော စိန်ပန်းပွင့်များ၏ ရဲရဲတောက် ပွင့်လွှာချပ်များသည် မြေပြင်အနှံ့။

မလေးရှားပိတောက်ပင်များက ပိတောက်ပင်များကို အစားထိုးသွားသည်။  အနှစ်လေးဆယ်၏မြင်ကွင်းသည် ချို့တဲ့သော ရောင်စဉ်တန်းများ၏ ခွန်အားဖျော့တော့လာမှုပင်ဖြစ်သည်။ ဓာတ်ကြိုးများ အိတွဲကျလာသည်။ အမြင့်ပျံငှက်များ အတောင်ညောင်းစပြုလာပြီဖြစ်သည်။ go Pro ကြော်ငြာမှ ကင်မရာလွယ်ငှက်တစ်ကောင် အီကွေတာရာသီဥတုတစ်လျှောက် အတောင်ညောင်းသည်အထိ ပျံစပြုလာပြီး ပင်လယ်တစ်ခုထဲသို့ ငုပ်လျှိုးသွားခဲ့ကြောင်း၊ ရေဘဲများနှင့်တွေ့ဆုံ၍ ရှည်လျားကျယ်ပြန့်သော ကောင်းကင်ကို ကန့်လန့်ဖြတ်ပျံသန်းသွားရန် ညှိနှိုင်းခဲ့ကြောင်း၊ နောက်နောင် အတောင်တွင် ဝန်ပိုမတင်လုိုသည့်အကြောင်းသီချင်းလုပ်ဆိုသွားရန် ဆုံးဖြတ်ခဲ့သေးကြောင်း ကျယ်ကျယ်ပြန့်ပြန့်နားလည်ကြဖုို့ကောင်းသည်။

ရှေးဟောင်းအဆောက်အအုံ နီနီကြီးမှ အက်ကြောင်းအို နီနီကြီးသည် လှပနေသည်။ အမိုးအမြင့် ၁၃ ပေကျော်သည်နှင့် အသက်ရှူဝလာသည့် လူ့သဘာဝကို မေဆင်များသာ နားလည်ခဲ့သည်။ ဂေါ်ဿစ်ထဲတွင် ၂၄ ပစ္စည်း၏ အငွေ့အသက်များရနေသည်။ အမိုးခုံးများသည် မိုးကုတ်စက်ဝုိုင်းကို သတိရစေပြီး အချွန်အတတ်များသည် စော်လမွန်ဘုရင်၏ ဘုရားကျောင်းဆောင်ကို အမှတ်ရစေသည်။ တြိဂံ၏ ညီညွတ်ပြည့်စုံမှုသည် ခုိုင်ခံ့မှုကို ညွှန်းဆိုနေသည်။ အရှေ့တုိုင်းသည် အဝုိုင်းကို ဗဟိုပြုခဲ့သည်။ စောသောခေတ်က ထုထည်တုိုင်းနည်းသည် ဂြိုဟ်သားများ ကျကျန်ရစ်သည့် ဂဲသြမေထရီလည်းဖြစ်သလို၊ သိမ်မွေ့သော အလှတရားလည်းဖြစ်သည်။ pillars များသည် templer knights များ၏ ငယ်ဘဝကိုညွှန်းဆိုဟန်တူသည်။ နေရာတကာတွေ ပိရမစ်များကိုတွေ့နေရသည်။ အီလူမီနတီနှင့်မေဆင်များ၏ဆုံမှတ်တွင် သမုိုင်းဝင်အဆောက်အအုံတစ်ခုရှိခဲ့သည်။အလွန်လှသော အနုပညာသည် အဆောက်အအုံများနဲ့ကျောက်တုံးစီပညာများအဖြစ်တည်ရှိသည်။ ဘိလပ်မြေတစ်မှုန့်မှမပါသော အချိုးညီကျောက်စီပညာသည် ကျွန်စနစ်၏ အမွေအနှစ်ဟုတ်ဟန်မတူ။ ခေါက်ချိုးညီဂြိုဟ်သားတစ်ယောက်၏ ကွန့်မြူးချက်အသေးအမွှားတစ်ခုသာဖြစ်လိမ့်မည်။

တိမ်တောက်နေသော ကောင်းကင်ကို ငေးကြည့်ဖုို့ မေ့လျော့နေသောသင်သည် ပျင်းရိသူသာဖြစ်ပါသည်။ ကောက်ကွေ့သောလမ်းများကို အတည့်အတုိုင်းလျှောက်ကြည့်နေသော နေလမ်းကြောင်းတစ်လျှောက် ခေါင်းငုံ့လျှောက်သွားသော လူအလေးတစ်ယောက်အကြောင်းကို မည်သည့် အတ္ထုပ္ဗတ္တိဆရာကမှ အထွေအထူးမှတ်တမ်းတင်မနေတော့ပါ။ စန္ဒရားသံ၏ ညာလက်အရွေ့အပြောင်းကို ချီးမွမ်းကြသော်လည်း ဘယ်လက်၏ ကျောရိုးပြုထားသော တီးလုံးများကို မေ့လျော့ပစ်လုိုက်ကြပုံမှာ ပေါ့ပေါ့ပါးပါးရှိလှသည်။ ဒုတိယတန်းစားမိတ်ဆွေများကို ပထမတန်းစား မိတ်ဆွေနှင့် လဲလှယ်လိုသောလူများသည် တတိယတန်းစားရန်သူများနှင့်သာထုိုက်တန်ပါလိမ့်မည်။

အေးခဲနေသော အခန်းအတွင်းမှ အနွေးဓာတ်ကို ရှာဖွေနေသော ဝိညာဉ်တစ်ကောင်အတွက် ဆောင်းရာသီသည် အဆိုးရွားဆုံးမိတ်ဆွေဆန်ခဲ့လိမ့်မည်။ အနီးဆုံးမလာရဲသူများသည် အဝေးတွင်သာနေသင့်သည်။ မိမိနှင့်ထိုက်တန်သော ရာသီဥတုမှအပ မည်သည့် မိုးလေဝသကိုမှ မမျှော်လင့်ကြပါနှင့်။ ကောင်းကင်နှင့်မြေကြီးသည် ငြီးငွေ့ဖွယ် ပျင်းရိမှုနှင့် ပြည့်နှက်လျှက်။

လာလမ်းအတုိုင်းလျှောက်ပြန်ခြင်းသည် လူ့ဘဝဆန်သော လမ်းလျှောက်ထွက်ခြင်းဖြစ်ပါသည်။ ကိုယ်လွှတ်ခဲ့သော ငါးကလေးများ ရှင်သန်ပြီး၊ ကိုယ်လွှတ်ခဲ့သော ငှက်ကလေးများ လောကသစ်တွင်ရှင်သန်မည်ဟု ယုံကြည်နေရန်သာလိုပါသည်။ ပျင်းရိသော မြွေတစ်ကောင်၏ ညနေများသာဖြစ်သည်။ ကျားသစ်တစ်ကောင်တိတ်တိတ်လေးရေကူးရောက်လာမှန်းမသိလုိုက်သော မိချောင်းတစ်ကောင်၏ နောက်ဆုံးအကြိမ် အံ့သြစိတ်နှင့်အတူထွက်ခွာသွားသော အသက်၏ ပြောင်းလွယ်ပြင်လွယ်ဖြစ်လွန်းမှုသည် အံ့သြစရာအတိ။

အောင်မြင်မှုများ၏ တန်ဖိုးမဲ့ခြင်းနှင့်အတူ၊ စုသိမ်းမိသော အမှိုက်များ၏ ကျစ်လျစ်စုဖွဲ့လာမှုသည် လူ့ဘဝ၏ အကြပ်အတည်းတစ်ခုဖြစ်ပါသည်။ မလိုအပ်သည့်အရာတော်တော်များများ စုဆောင်းမိလာခြင်းသည် အသက်ကြီးလာခြင်း၏ လက်မမီသောနေရာမှ ယားယံမှုတစ်ခုပမာ ကသိကအောင့်ဖြစ်စေလှသည်။ လူ့လောကကြီးအတွက်လည်း ဘာမှ လုပ်ချင်စိတ်မရှိ၊ မတော်သူသေစံနှုန်းဖြင့် လူများလွန်းသော နိုင်ငံများ(ဥပမာ ဘင်္ဂလားဒေ့ရ်ှနှင့် တရုတ်)ကို အနုမြူဗုံး ခုနစ်တန်စီကြဲလျှင် သင့်မည်လောဟူသော အမေးကိုပင် လွယ်လင့်တကူ ပျင်းပျင်းရိရိ ခေါင်းငြိမ့်ပြမည့်သူ ဖြစ်မှန်းမသိဖြစ်လာသည်။ လူနည်းနည်းလောက်နည်းသွားလျှင် ကျန်ရစ်သူများ အခြေအနေကောင်းနုိုင်သည်ဟူသော The Lost Symbol ကအယူအဆကပင် ဟုတ်တုတ်တုတ်ဖြစ်လာသည်။ အင်မတန်သေလွယ်သော ဗိုင်းရပ်စ်တစ်ခုခုရောက်လာမှအေးမည်ဟုထင်လာသည်။ မိမိကဲ့သို့ ငြီးငွေ့လာသူများစုဖွဲ့မိလျှင် အင်မတန်အန္တရာယ်ကြီးသော လောကသစ်တစ်ခုဖြစ်လာလောက်သည်။

ဘာသာရေးစစ်ပွဲများ၊ အဓိကရုဏ်းများ၏နောက်မှ ချယ်လှယ်သူတစ်ယောက်ကုို မကြာသေးမီကတွေ့လုိုက်သေးသည်။ သူ၏စွမ်းအားမြင့် ချယ်လှယ်မှုဖြင့် ၉၆၉ အသင်းအဖွဲ့များဖြစ်လာသည်။ နေရာတကာ အဆင်သင့်ရှိသော သူ၏ဉာဏ်ရည်မြင့်မားမှုသည် ကြောက်စရာကောင်းသည်ဟုပင်မထင်မိတော့။ မျက်စိမှိတ်ထားသောကြောင့် လက်မမှန်သော ပေါက်ဓားဆရာများကို ကြောက်မနေတတ်တော့။ လူတစ်ယောက် အပျော်ရွှေ့လုိုက်သော အကွက်တွေကို အဟုတ်ထင်နေသော သူငယ်လေးများ၏ဘဝသည် ဇာတ်နားပြီးသား ဇာတ်ကားတစ်ကားကို ထပ်မံ၍ကြည့်ခွင့်ရနေသည့်ပမာ။ အနာဂတ်တွင် ပညာကောင်းစွာမတတ်သောသူများသည် လှည့်စားတတ်သူများ၏ စစ်တုရင်စတေးကွက်သစ်များဖြစ်လာကြဦးမည်ဟုတွေးမိပြီး အရောင်လက်သွားသောမျက်လုံးများဖြင့် လေတစ်ချက်ချွန်လိုက်သောသူသည် ရက်စက်သူမဟုတ်လျှင် ပျော်တတ်လွန်းသူသာဖြစ်လိမ့်မည်။

Joker ပြောသည့် အဆင့်မြင့် ဗီလိန်တစ်ယောက် လိုအပ်နေသော လောကကြီးသည် မကြာမီ ဆန္ဒပြည့်ဝရဦးမည်ဖြစ်သည်။ မလေးရှားလေကြောင်းလိုင်း စီးရုံမျှဖြင့် အသက်စွန့်ခြင်းပါရမီကိုဖြည့်နိုင်ပြီဟု သူငယ်ချင်းတစ်ယောက်ကဆိုသည်။ သေဆုံးခြင်းကို သိပ်ဆိုးဆိုးရွားရွားမထင်ထားလုိုက်ကြပါနှင့်။ ဟိုဘက်ကမ်းတွင်လည်း ဒီဘက်ကမ်းမှာလို အစုံအလင်ရှိသေးသည်ဟု နှလုံးသွင်းနိုင်လျှင် ပျော်စရာပင်ကောင်းနုိုင်ပါသည်။ တိတ်ဆိတ်ခြင်း၏ ညီညွတ်ပြည့်စုံသောအသံသည် ရွှင်လန်းဝမ်းမြောက်မှုကိုဖြစ်စေသည်ဟုထင်ပါသည်။

လွန်ခဲ့တဲ့ခုနနှစ်က ဆုံးသွားတဲ့ ဘဂျီးတာရာမင်းဝေလည်း ရောက်လေရာဘုံဘွမှာ ငြိမ်းချမ်းစိမ်းလန်းနေလောက်ပြီထင်သည်။  သွားနှင့်သူများလည်း သွားနှင့်ကြပြီ။ ကျန်ရစ်နေသူများလည်း သွားရန်အသင့်ဖြစ်နေလောက်ပြီထင်သည်။

ရေငုပ်ရင်း လမ်းခုလတ်မှာ အောက်ဆီဂျင်ပြတ်သွားသော နဂါးဟု သူ့ကိုယ်သူဆုိုသည်။ ပျော်စရာအတန်အသင့်ကောင်းသော အလွမ်းဇာတ်သာဖြစ်သည်။

ကျွန်တော်တို့သတိတရရှိကြောင်း ဘဂျီးသိစေချင်သည်။             ။

Regards,



Peace B with U.